گمبھیر کی پرائم منسٹر کیئر فنڈ میں دو سال کی تنخواہ

Taasir Urdu News Network | Uploaded on 03-April-2020

نئی دہلی، (یو این آئی ) سابق کرکٹر اور بھارتیہ جنتا پارٹی (بی جے پی) کے ایم پی گوتم گمبھیر نے جمعرات کو کہا کہ وہ کورونا وائرس سے لڑنے کے لئے ایم پی کے طور پر ملنے والی دو سال کی تنخواہ پرائم منسٹرکئیر فنڈ میں دیں گے۔کورونا وائرس کے اثر کی وجہ سے حکومت ہند نے 21 دنوں کے لاک ڈاؤن کا اعلان کیا ہے اور ایسے میں کھیل، بالی وڈ، صنعت اور سیاست دنیا کی تمام ہستیاں مدد کے لئے آگے آئی ہیں۔گمبھیر نے ٹویٹ کرکے کہاکہ لوگ پوچھتے ہیں کہ ملک نے ان کے لئے کیا کیا ہے۔لیکن اصل سوال تو یہ ہے کہ آپ نے ملک کے لئے کیا کیا ہے۔میں وزیر اعظم کیئر فنڈ میں دو سال کی تنخواہ دوں گا۔ آپ بھی مدد کے لئے آگے آئیں۔مشرقی دہلی سے بی جے پی کے رہنما گمبھیر نے اس سے پہلے ایم پی فنڈ سے ایک کروڑ روپے اور ایک ماہ کی تنخواہ دینے کا اعلان کیا تھا۔ کورونا وائرس کی وجہ سے دنیا بھر میں اب تک 40000 لوگوں کی موت ہو چکی ہے۔