تاثیر اردو نیوز سروس، 15؍مئی،2020
ممبئی،16مئی (ایم ملک)”تیرے بنا” کا گانا ریلیز ہونے کے بعد ہی موسیقی کے چاہنے والوں میں ایک لمحہ فکریہ بن گیا ہے۔ سلمان خان کا سابقہ گانا “پیار کرونا” دیکھنے کے بعد ، ہم ان کے اگلے گانے کو دیکھ کر بہت پرجوش تھے اور اب جیکولین فرنینڈیز کے ساتھ ان کا اگلا سنگل “تیری بینا” ریلیز ہونے کے بعد سے ہی سبھی کے پلے لسٹ میں شامل ہے۔اس گانے نے اپنے آغاز کے بعد سے ہی ایک ریکارڈ بنایا ہے ، جسے صرف 24 گھنٹوں میں 12 ملین سے زیادہ مرتبہ دیکھا گیا ہے۔ یہ وہ واحد گانا اور چینل ہے جس کا گانا اور ٹیزر دونوں یوٹیوب پر ایک ہی چینل سے بیک وقت ٹاپ 3 میں ٹرینڈ ہو رہے ہیں۔ بلاشبہ ، گانے کو بہت زیادہ پسند کیا جارہا ہے اور یوٹیوب انڈیا میں 1 #پر ٹرینڈ کیا جارہا ہے۔ اس گانے کو اب تک 2 کروڑ سے زیادہ بار دیکھا جاچکا ہے۔ “تیرے بنا” فوراہی سیزن کا نیا رومانٹک ٹریک بن گیا۔سلمان خان ، جو اپنی فلموں کے ساتھ باکس آفس ریکارڈ توڑنے کے لئے جانے جاتے ہیں ، اپنے گانوں سے بھی ریکارڈ توڑنے کے لئے مشہور ہیں۔ اور یہ سلمان خان کی مقبولیت ہے۔ گانے کی کامیابی کا اندازہ اس بات سے ہوتا ہے کہ یہ آج بھی ٹرینڈ ہے۔سلمان خان اور جیکولین فرنینڈیز پر فلمایا گیا گانا خاص طور پر سلمان کے پنوال فارم ہاؤس کے مناظر کے درمیان شوٹ کیا گیا ہے۔سلمان خان کی ہدایت کاری میں اور ان کی آواز میںگنگنا یا گیا گانا ان کے دوست اجے بھاٹیا نے کمپوز کیا ہے اور شبیر احمد نے لکھا ہے۔ میوزک ویڈیو سلمان خان کی حال ہی میں ریلیز ہونے والے یوٹیوب چینل پر براہ راست ہے اور پوری آڈیو بھی جاری کردی گئی ہے۔