سیاست

جتنی ضرورت ہمیں اتنی آر جے ڈی کوبھی، اتحاد اور سیٹوں کو 31 جولائی سے پہلے حتمی شکل دیں: راہل گاندھی

Taasir Newspaper
Written by Taasir Newspaper

Taasir Urdu News Network | Patna (Bihar)  on 04-July-2020

پٹنہ: کانگریس کے رہنما راہل گاندھی نے بہار کانگریس کے رہنماؤں کو ہدایت کی ہے کہ وہ 31 جولائی تک اتحاد اور سیٹوں کی نوعیت کو عام کریں۔ انہوں نے واضح طور پر کہا کہ جتنی ضروری ہمیں بہار میں اتحاد کی ہے اتنی ضرورت آر جے ڈی کو بھی ہے۔ایسی صورت میں لوک سبھا انتخابات والی غلطی کا اعادہ نہ کرتے ہوئے اس مہینے گٹھ بندھن زمین پر دکھائی دینا چاہئے۔ فائدہ یہ ہوگا کہ الیکشن سے دو ماہ قبل اتحاد کا پیغام ڈسٹرکٹ اور بلاک سطح تک پہنچ جائے گا اور اسمبلی انتخابات لڑنے اور جیتنے میں آسانی ہوگی۔تقریبا تین گھنٹوں کی میٹنگ میں انہوں نے تنظیم انچارج کے سی وینوگوپال، بہار انچارج شکتی سنگھ گوہل، انچارج سکریٹری وریندر سنگھ راٹھور اور اجے کپور، ریاستی صدر مدن موہن جھا اور سی ایل پی رہنما سدانند سنگھ سے کہا کہ عوام تبدیلی چاہتی ہے۔ کانگریس لیڈران کو اس کا فائدہ اٹھانا ہوگا۔

About the author

Taasir Newspaper

Taasir Newspaper