Taasir Urdu News Network | Uploaded on 18-August-2020

بھاگلپور ( یواین آئی ):  بہار میں بھاگلپور ضلع کے سلطان گنج تھانہ علاقہ میں منگل کو قومی شاہراہ نمبر۔80 پر ایک آٹورکشہ کے اچانک پلٹ جانے سے ایک خاتون بینک ملازم کی موت ہوگئی اور دیگر ایک زخمی ہوگئی ۔پولیس ذرائع نے یہاں بتایاکہ ناتھ نگربازار باشندہ شوبھا کماری(36) آٹورکشہ سے سلطان گنج جارہی تھی ، تبھی راستے میں تلک پور گاؤں کے نزدیک ڈرائیور کے اچانک توازن کھو دینے سے آٹورکشہ پلٹ گیا ۔ اس واقعے میں خاتون کی موقع پر ہی موت ہوگئی جبکہ ایک دیگر خاتون کو زخمی حالت میں سلطان گنج کے ریفرل اسپتال میںداخل کرایا گیا ہے ۔ ذرائع نے بتایاکہ متوفیہ خاتون بینک ملازم تھی اور وہ ڈیوٹی کرنے جارہی تھی ۔ ادھر ڈرائیور آٹورکشہ چھوڑ کر فرارہوگیا ۔ پولیس نے موقع پر پہنچ کر لاش کو پوسٹ مارٹم کیلئے جواہر لال نہرو میڈیکل کالج اسپتال بھیج دیاہے ۔