Taasir Urdu News Network | Uploaded on 21-August-2020
بلند آواز کا مالک وہ جرات کا نشاں راحت
ابھی کل تک یہیں پر تھا، گیا آخر کہاں راحت
زمانے سے نرالا اک عجب انداز تھا تیرا
بہت مشکل سے ملتی ہے کسی کو یہ زباں راحت
ترے بے باک لہجے سے حکومت بھی لرزتی تھی
صف باطل میں بے باکی سے دیتا تھا اذاں راحت
چمن میں تیرے ہونے سے عجب سا لطف حاصل تھا
عنادل بھی ترے جانے سے ہیں ماتم کناں راحت
کسی فن کار کے مرنے سے فن بھی مر نہیں جاتا
زمانہ یاد رکھے گا ترا عہد بیاں راحت
دعا ہے بس یہی شایان کی جنت ملے تجھ کو
ہو روشن قبر کا وہ آخری تیرا مکاں راحت
از: خواجہ شایان حسن سہارنپوری
رابطہ نمبر :8979734435
