Taasir Urdu News Network | Uploaded on 04-September 2020
سر کو آگے خدا کے جھکائے رکھو
فکر کووڈ کی بالکل بھلائے رکھو
ڈر خدا کا ہمہ دم جگائے رکھو
ورد ہونٹوں پہ اپنے سجائے رکھو
ماسک چہرے پہ اپنے لگائے رکھو
اس کرونا سے خود کو بچائے رکھو
قربتوں سے ہی بڑھتا ہے یہ واءرس
فاصلہ ہر کسی سے بنائے رکھو
آپ دھوتے رہو مستقل ہاتھ کو
دھوپ کپڑوں کو اپنے دکھائے رکھو
جب کبھی گھر میں باہر سے ہو آگمن
جوتے چپل کو گھر سے ہٹائے رکھو
خود کو رکھنا ہے محفوظ اس سے اگر
ہر طرح کی صفائی بنائے رکھو
اپنے ہاتھوں کو چہرے سے رکھو الگ
جیب میں ہاتھ اپنا چھپائے رکھو
بال بچے ہوں یا ہو شناسا کوئی
مت کسی کو بھی خود سے سٹاءے رکھو
ہے ابھی لاک ڈاؤن کی سختی ابھی
اپنے ارمان سارے سلاءے رکھو
تم کچلتے رہو خواہشوں کو سبھی
شمع فرزانگی کو جلائے رکھو
ڈگمگاءے نہیں احتیاطی قدم
نفس کو آپ اپنے ہراءے رکھو
اس وبا سے اگر عافیت چاہیے
لو خدا سے ہمیشہ لگائے رکھو
کام آؤ سبھی کے جو کام آ سکو
اپنی نظریں سبھوں پر ٹکائے رکھو
سخت بولو نہ ہر گز کسی کو کبھی
پیار سارے زمانے کا پائے رکھو
ہاں تصور میں اپنے یقیناً سدا
ہر کسی کو گلے سے لگائے رکھو
ہے شکیل حزیں بھی دعا گو ادھر
ہاتھ تم بھی دعا کے اٹھائے رکھو
شکیل سہسرامی پٹنہ بہار 9835642267