Taasir Urdu News Network | Abu Dhabi (United Arab Emirates) on 21-Oct-2020
ابوظبی: چنئی سپر کنگز کے خلاف عمدہ بیٹنگ کے بعد مین آف دی میچ ایوارڈ جیتنے والے راجستھان رائلز کے جارحانہ بلے باز جوز بٹلر نے کہا ہے کہ وہ ٹیم کے لئے کسی بھی نمبر پر بیٹنگ کے لئے تیار ہیں۔راجستھان رائلز کے وکٹ کیپر بیٹسمین جوس بٹلر نے سی ایس کے کے خلاف جیت کے بعد کہا کہ وہ ٹیم کے لئے کسی بھی نمبر پر بیٹنگ کے لئے تیار ہیں۔ پیر کی رات راجستھان نے چنئی کو 7 وکٹوں سے شکست دی تھی ۔ بٹلر نے آئی پی ایل میں اپنا 11 واں ففٹی کیا۔ انہوں نے 48 گیندوں پر ناقابل شکست 70 رنز بنائے۔ انہوں نے اسمتھ کے ساتھ چوتھی وکٹ کے لئے 98 رنز کی شراکت قائم کی تھی۔ انھیں مین آف دی میچ بھی منتخب کیا گیا۔ اسمتھ نے ناٹ آؤٹ 26 رنز بنائے۔بٹلر نے کہا کہ میں فتح سے خوش ہوں۔ میچ میں تیز کھیلنے کی کوشش کی۔ مجھے نہیں لگتا تھا کہ یہ میرا آخری میچ ہے۔ میں نے ایک نیا انداز اپنایا۔ اس نے میرے لئے اچھا کام کیا جب تک کہ آپ پر رنز بنانے کا دباؤ نہ ہو آپ کو ہمیشہ اپنے آپ پر اعتماد کرنا چاہئے۔جوس بٹلر نے شروع میں راجستھان رائلز کی اوپننگ کی ۔ لیکن اب وہ مڈل آرڈر میں بیٹنگ کرنے آئے ہیں جب روبن اتھپا کے بیٹنگ آرڈر میں اپ گریڈ ہونے کے بعد پانچویں نمبر پر بیٹنگ کے بارے میں پوچھے جانے پر انہوں نے کہا کہ وہ ٹیم کے مفاد کے لئے کسی بھی نمبر پر بیٹنگ کے لئے تیار ہیں۔بٹلر نے اس سیزن میں کھیلے گئے 9 میچوں میں 32 .35 کی اوسط سے 262 رنز بنائے ہیں۔ اس دوران آئی پی ایل میں کھیلے گئے 54 میچوں میں انہوں نے 35.05 کی اوسط سے 1648 رنز بنائے ہیں۔ جس میں 11 نصف سنچری شامل ہیں۔