Taasir  Urdu  News  Network  |  Darbhanga  (Bihar)   on  17-February-2021

دربھنگہ:  بہار میٹرک امتحان 2021 کے لئے ضلع دربھنگہ میں کل 54 امتحانی مراکز قائم کیے گئے ہیں۔ ان میں دربھنگہ شہر کے 41 ، بینی پور کے 5 اور بیرول کے 8 امتحانی مراکز شامل ہیں۔ مذکورہ بالا امتحان دو شفٹوں میں لیا جائے گا ، پہلی شفٹ کے لئے امتحان صبح 30.9 بجے سے 45.12 بجے اور دوسری شفٹ کا امتحان 45.1 بجے سے شام 5 بجے تک لیا جائے گا۔امتحان شروع ہونے سے کم از کم 10 منٹ پہلے ہی امتحان دہندگان کو امتحانی مرکز میں داخل ہونا ہوگا۔ اس کے علاوہ کوویڈ ۔19 کے گایڈ لائن پر عمل کرنا ہوگا۔مذکورہ تمام امتحانی مراکز میں امن و امان برقرار رکھنے کے لئے ایس ڈی او صدر راکیش کمار گپتا نے مذکورہ امتحانی مراکز کے آس پاس 500 گز کے دائرے میں مورخہ 17 تا 24 فروری تک ضابطہ اخلاق کی دفعہ 144 نافذ رہے گا۔امتحانی مراکز کے اندر موبائل فون ، بلوٹوتھ ، وائی فائی گیجٹ ، کیلکولیٹر ، سلائڈ رول ، گراف پیپر ، چارٹ ، الیکٹرانک قلم / گھڑی ، پیجر ، سیلولر فون ، اے ٹی ایم۔ کارڈ لے جانے اور الیکٹرونکس کے کسی دوسرے سامان وغیرہ پر مکمل پابندی ہوگی۔اس حکم کی خلاف ورزی کرنے والوں کے خلاف متعلقہ دفعات کے تحت قانونی کارروائی کی جائے گی۔واضح ہو کہ امیدواروں کو امتحان مرکز پر جوتا موزہ پہن کر داخلے کی اجازت ہے اور امتحان کے دوران ایک سائبر سیل دربھنگہ میں تشکیل دیا گیا ہے جو پوری طرح متحرک ہوگا۔