امیتابھ بچن کی فلم ‘ جھنڈ ‘ کی ریلیز کی تاریخ طے

Taasir  Urdu  News  Network  |  Mumbai  (Maharashtra)   on  20-February-2021

ممبئی: امیتابھ بچن کی فلم ’ جھنڈ ‘ ایک طویل عرصے سے خبروں میں ہے۔ ناگراج منجولی کی ہدایتکاری میں بننے والی اس فلم میں امیتابھ بچن مرکزی کردار ادا کررہے ہیں جبکہ رنکو راج گورو ، آکاش تھوسر دیگر اداکار ہیں۔ فلم کی شوٹنگ گذشتہ سال مکمل ہوئی تھی اور اسے گذشتہ سال 8 مئی کو ریلیز کیا جانا تھا ، لیکن ملک بھر میں پھیلی کورونا وبا کی وجہ سے ، یہ وقت پر ریلیز نہیں ہوسکی۔ ٹی سیریز کے بینر تلے بننے والی اس فلم کو بھوشن کمار اور کشن کمار وغیرہ نے تیارکیاہے۔ ملک میں کورونا وبا کے کم ہوتے واقعات کو دیکھتے ہوئے فلم کو رواں سال ریلیز کرنے کا فیصلہ کیا گیا ہے۔ فلم رواں سال 18 جون کو سینما گھروں میں نمائش کے لئے پیش ہوگی۔ فلم کے ہدایتکار ناگراج منجولی نے یہ معلومات سوشل میڈیا پر دیں۔ ناگراج منجولی نے اس فلم کا پوسٹر انسٹاگرام پر شیئر کیا اور لکھا – ‘ جلد آرہا ہے ‘ جھنڈ ‘، 18 جون 2021 کو تھیٹر میں ملو۔امیتابھ بچن ‘جھنڈ’ میں ایک فٹ بال ٹیم کے کوچ کے طور پرنظرآئیں گے ۔فلم میں ، امیتابھ نے غریب بچوں کی حوصلہ افزائی کرکے فٹ بال ٹیم کا آغاز کیا۔ یہ فلم ناگپور سے تعلق رکھنے والے اسپورٹس اساتذہ کی زندگی پر مبنی ہے۔ ‘ جھنڈ ‘ ناگراج منجولی کی پہلی ہندی فلم ہے۔ امیتابھ بچن نے بھی پہلی بار ہدایتکار ناگراج منجولی کے ساتھ کام کیاہے۔