بھارت

گہلوت کی کورونا ویکسین کےلئے عمر کی قیمت ہٹانے کی مرکزی حکومت سے اپیل

Taasir Newspaper
Written by Taasir Newspaper

جےپور،5 اپریل ، راجستھان کے وزیراعلی اشوک گہلوت نے عالمی وبا کورونا کو روکنے کےلئے عمر کی حد ہٹاکر سبھی عمر کے لوگوں کو کورونا کی ویکسین لگانے کی اجازت دینے کی مرکزحکومت سے اپیل کی ہے۔مسٹر گہلوت نے آج سوشل میڈیا کے ذریعہ وزیراعظم نریندر مودی سے یہ اپیل کرتے ہوئے کہا کہ کورونا کا انفیکشن تیزی سے بڑھا ہے۔ اسے روکنے کےلئے ہمیں سبھی لوگوں کو ویکسین لگانی ہوگی۔ انہوں نے کہا کہ عمر کی حد ہٹاکر سبھی کو ویکسین کی اجازت دی جانی چاہئے اور حکومت کے ساتھ نجی طبی اداروں کو بھی ویکسین لگانے کی اجازت دی جائے۔انہوں نے کہا کہ اس کے ساتھ ہی ہندوستان میں ابھی لگائی جارہی دو ویکسین کے علاوہ دیگر ویکسین کو بھی ہندوستان میں اجازت دی جائے،جس سے زیادہ سے زیادہ لوگوں کو جلد از جلد ویکسینیشن ہوسکے۔ ہمیں ٹیسٹنگ ،ٹریکنگ ،ٹریٹمنٹ اور ویکسینیشن کے ذریعہ کورونا وائرس پر چوطرفہ حملہ کرنا ہوگا تبھی کورونا کو ہرایا جا سکتا ہے۔وزیراعلی نے لوگوں سے بھی اپیل کرتے ہوئے کہا کہ انہیں کورونا کا ٹیکے لگوانے کےلئے آگے آنا چاہئے۔ ماہرین کا خیال ہے کہ ٹیکے لگنے کے بعد بھی ماسک لگانا ضروری ہے ۔انہوں نے کہا کہ ویکسین لگنے کا فائدہ یہ ہوتا ہے کہ پھر بھی اگر کورونا ہوجاتا ہے تو مریض کی حالت نازک نہیں ہوتی اور موت کا خدشہ نہ کے برابر ہوجاتا ہے،اس لئے ویکسین لگوانا بےحد ضروری ہے۔

About the author

Taasir Newspaper

Taasir Newspaper