فن فنکار

سونو سود انٹرویو دیتے ہوئے روپڑے

Taasir Newspaper
Written by Taasir Newspaper

Taasir Urdu News Network | Mumbai (Maharashtra)  on 06-May-2021

ممبئی :،۶؍مئی- بالی ووڈ کے معروف ولن اور عام زندگی میں غریب بھارتیوں کے مسیحا سونو سود کورونا کی ابتر صورتحال پر انٹرویو دیتے ہوئے رو پڑے، برکھا دت کو دیے گئے انٹرویو میں سونو سود مدد کیلئے آنے والی کالز کا ذکر کرتے ہوئے رو پڑے اور بے بسی کا اظہار کیا۔بالی ووڈ اداکار سونو سود کے پاس روزانہ کی بنیاد پر سیکڑوں افراد کال کرتے ہیں اور اپنے پیاروں کیلئے مدد مانگتے ہیں تاہم اب ناکافی طبی سہولیات پر سونو بھی جذبات پر قابو نہیں رکھ سکے ہیں، دلی میں اچھے گھرانے سے تعلق رکھنے والے افراد نے بھی مجھے فون کیا کہ سونو مجھے بچالو، بس اسپتال میں ایک بستر دلوادو، آپ سوچیں کہ اس صورتحال میں عام آدمی کیسے یہ سب خرچے برداشت کرے گا؟ اس کے پاس ذرائع بھی نہیں۔
انہوں نے کہا کہ ہسپتالوں کے اندر اور باہر پڑے لوگ آکسیجن نہ ہونے کی وجہ سے مرگئے، انہیں ہم سہولیات دیکر بچا سکتے تھے، لوگ سوچتے ہیں میں اپنے اس عزیز کو آکسین نہیں دے پایا یا اس کی جان نہیں بچاسکا، ایسے میں مجھے لگتا ہے کہ ہم سب لوگ فیل ہوگئے ہیں۔
، ہم نے سیکھا کہ سب سے زیادہ ضروری صحت کا شعبہ ہے لیکن ہم نے اس کو سیکھنے میں بڑی قیمت بھگتی ہے اور لاکھوں لوگ زندگی کی بازی ہارگئے ہیں، ان مرنے والوں کا جرم یہ تھا کہ وہ اس ملک میں پیدا ہوئے جہاں وقت پر فیصلے نہیں لیے گئے۔ان کاکہناتھا کہ میرے پاس آنے والی کالز میں 40 فیصد فون آکسیجن کیلئے آتی ہیں، میں روز خود کو بے بس محسوس کررہا ہوں، مجھے لوگوں کی نئے نئے مسائل پتا چلتے ہیں اور مجھے محسوس ہوتا ہے کہ پتا نہیں ہم کس ملک میں رہ رہے ہیں۔

About the author

Taasir Newspaper

Taasir Newspaper