جاوید احمد سرینگر
منشیات کے خلاف جاری جنگ میں ضلع پولیس کولگام نے بڑی کامیابی میں مشی پورہ ریڈونی علاقے میں منشیات کی بھاری کھیپ ضبط کرکے دو منشیات فروشوں کو گرفتار کرلیا
پولیس اسٹیشن کیموہ کو منشیات کی بھاری کھیپ کی موجودگی سے متعلق ایک خاص اطلاع ملی تھی اور اطلاع ملتے ہی ایس ڈی پی او قاضی گند شری گووند رتن جے کے پی ایس کی نگرانی میں ایس ایچ او قیموہ سب انسپکٹر امتیاز احمد کی سربراہی میں ایک ٹیم تشکیل دی گئی اور مشی پورہ میں مشتبہ جگہ پر چھاپہ مارا گیا جہاں افسران نے منشیات کی بھاری کھیپ پائی اور قریب 800 کلو پوست ضبط کی جس کی قیمت لاکھوں روپے بتائی جارہی ہے کاروائ کے دوران ۔ مشی پورہ کے دو افراد ، غلام رسول ولد عبد الرحمن ڈار اور شہزاد احمد ڈار ولد محمد رجب ڈار کو گرفتار کیا گیا اور ایک گاڑی (لوڈ کیریئر آٹو) ایک جگہ سے دوسری جگہ پر ممنوعہ سامان کی فراہمی کرتا تھا۔کو بھی ضبط کیا گیا . تاہم ، اس علاقے کا ایک اہم بدنام زمانہ منشیات فروش ، مشتاق احمد بگھو ولد ولی محمد بھگو ساکنہ ریڈوانی پائین موقع سے فرار ہونے میں کامیاب ہوگیا اور اس کی گرفتاری کے لئے کوششیں کی جارہی ہیں۔
کیس کے حوالے سے ایف آئی آر نمبر 62/2021 U / S 8/15 NDPS ایکٹ پولیس تھانہ قیموہ میں درج کیا گیا ہے اور معاملے کی مزید تفتیش شروع کردی گئی ہے۔
یہ بات قابل ذکر ہے کہ کولگام پولیس نے منشیات فروشوں کے خلاف مکمل جنگ کا آغاز کیا ہے اور وہ ضلع میں ہر قسم کی معاشرتی برائیوں کے خاتمے کے لئے انتھک کوششوں کو جاری رکھے گی۔ پولیس کی جانب سے عوام سے گزارش ہے کہ پولیس کو تعاون کریں اور مفرور شخص کے بارے میں کوئی بھی معلومات ایس ایچ او قیموہ کے ساتھ: 7051510667 ، 9419018357 پر شئیر کی جاسکتی ہے۔
