ریاست

مرکزی وزیر داخلہ امت شاہ جموں میں مختلف ترقیاتی منصوبوں کا سنگِ بنیاد رکھیں گے۔

Taasir Newspaper
Written by Taasir Newspaper

جموں،24 اکتوبر،مرکزی وزیر داخلہ امت شاہ اتوار کو کئی تقریبات میں شرکت کریں گے اور جموں میں مختلف ترقیاتی منصوبوں کا سنگ بنیاد رکھیں گے۔ سرکاری معلومات کے مطابق، شاہ آج جموں کے انڈین انسٹی ٹیوٹ آف ٹیکنالوجی (IIT) میں ایک کثیر الضابطہ تحقیقی مرکز کے دو مرحلوں کا افتتاح کریں گے اور مرکز کے تیسرے مرحلے کا سنگ بنیاد رکھیں گے۔ افتتاحی تقریب میں جموں و کشمیر کے لیفٹیننٹ گورنر منوج سنہا اور سائنس اور ٹیکنالوجی کے مرکزی وزیر ڈاکٹر جتیندر سنگھ بھی شرکت کریں گے۔ جموں و کشمیر کے اپنے تین روزہ دورے کے دوسرے دن مرکزی وزیر داخلہ جموں وکشمیر کے ترقیاتی منصوبوں کا افتتاح کرنے کے بعد آج جموں ضلع میں ارکان پارلیمنٹ ، ایم ایل اے اور جموں و کشمیر کے سینئر بی جے پی رہنماؤں کے ساتھ ایک میٹنگ بھی کریں گے۔ بی جے پی لیڈروں کے ساتھ میٹنگ کے بعد، شاہ جموں میں ڈیگیانا گرودوارہ جاکر پراتھنا کریں گے۔ ہفتہ کو اپنے دورے کے پہلے دن ، مرکزی وزیر داخلہ نے اس مہینے میں جموں و کشمیر میں دہشت گرد حملوں کے دوران ہلاک ہونے والے فوجیوں اور عام شہریوں کے خاندانوں سے ملاقات کی اور سرینگر میں سیکورٹی جائزہ اجلاس منعقد کیا ، جس کے بعد جموں کشمیر یوتھ کلب کے ارکان کے ساتھ ایک انٹرایکٹو سیشن ہوا۔ انہوں نے کہا کہ حلقہ بندیوں اور اسمبلی انتخابات کے بعد جموں و کشمیر کی ریاست کا درجہ بحال کیا جائے گا۔

About the author

Taasir Newspaper

Taasir Newspaper