دنیا بھر سے

یورپ میں کوروناوائرس سے مزید 5 لاکھ ہلاکتوں کا خدشہ ہے

Taasir Newspaper
Written by Taasir Newspaper

لندن،۲۵؍نومبر- عالمی ادارہ صحت نے یورپ میں کورونا وائرس کی نئی لہر پر تشویش کا اظہار کرتے ہوئے یورپ میں مارچ تک مزید 5 لاکھ افراد کی ہلاکتوں کا خدشہ ظاہر کردیا۔بی بی سی لندن سے گفتگو کرتے ہوئے عالمی ادارہ صحت کے ریجنل ڈائریکٹر ڈاکٹر جان کلیوگ نے خبردار کیا کہ اگر کوئی فوری ایکشن نہیں لیا گیا تو یورپ میں کورونا وائرس کی نئی لہر سے مارچ تک مزید پانچ لاکھ افراد کی ہلاکتوں کا خدشہ ہے جس کی وجہ ویکسین کی قلت، سردیوں کی آمد اور علاقائی سطح پر میل جول سے ڈیلٹا ویرینٹ کا مزید پھیلاؤ ہیں۔انہوں نے کہا کہ اس ضمن میں ماسک پہننے کے عمل میں اضافہ کورونا کے پھیلاؤ کو روکنے میں مددگار ثابت ہوسکتا ہے جب کہ ویکسین کی بھرپور طریقے سے فراہمی، عوام پر کورونا کے قواعد کا نفاذ اور کورونا وائرس کے جدید طریقوں سے علاج کی مدد سے کورونا کی تازہ لہر سے لڑا جاسکتا ہے۔
ڈاکٹر جان کلیوگ نے کہا کہ کووڈ 19 ہمارے خطے میں ایک بار پھر ہلاکتوں کی سب سے بڑی وجہ بن گیا ہے، ہمیں معلوم ہے کہ ہمیں وائرس سے لڑنے کے لیے کیا کرنا ہے، ویکسین کو لازمی قرار دینا ہمارا اس لڑائی میں آخری حربہ ہونا چاہیے لیکن اس سے قبل ہمیں ویکسی نیشن کے معاملے پر سوشل اور قانونی فورمز پر بروقت بحث کرانی چاہیے۔واضح رہے کہ یہ رپورٹ ایسے وقت میں سامنے آئی ہے جب کئی ممالک میں کورونا وائرس کے کیسز میں اضافہ ہونے کے سبب جزوی اور مکمل لاک ڈاؤن کا نفاذ پھر سے شروع ہوچکا ہے۔ دریںاثنا یورپ میں کورونا وائرس کی چوتھی لہر سے صورتحال بگڑنے لگی ،سردی میں اضافے کیساتھ ہی یورپ کے کئی ممالک میں کورونا وائرس کی نئی قسم ڈیلٹا کے کیسز میں تیزی سے اضافہ ہورہا ہے اور کورونا متاثرین کی تعداد بڑھتی جارہی ہے۔عالمی ادارہ صحت نے یورپ میں کورونا وائرس کی نئی لہر پر تشویش کا اظہار کرتے ہوئے کہا ہے کہ یورپ میں مارچ تک کم ازم کم مزید 5لاکھ افراد کی ہلاکتوں کا خدشہ ہے۔ برطانوی نشریاتی ادارے سے گفتگو کرتے ہوئے عالمی ادارہ صحت کے ریجنل ڈائریکٹر ڈاکٹر جان کلیوگ نے خبردار کیا کہ اگر کوئی فوری ایکشن نہیں لیا گیا۔
تو یورپ میں کورونا وائرس کی نئی لہر سے مارچ تک مزید پانچ لاکھ افراد کی ہلاکتوں کا خدشہ ہے جس کی وجہ ویکسین کی قلت، سردیوں کی آمد اور علاقائی سطح پر میل جول سے ڈیلٹا ویرینٹ کا مزید پھیلاو ہیں۔نئی پابندیوں کے باعث لوگ گھروں میں محصور ہونے لگے ہیں جبکہ کئی ممالک میں کورونا پابندیوں کے خلا ف احتجاجی مظاہرے کئے جارہے ہیں۔

About the author

Taasir Newspaper

Taasir Newspaper