ہندستان

اسٹاک مارکیٹ میں زبردست گراوٹ

Written by Taasir Newspaper

نئی دہلی، 27 جنوری ۔ ہندوستانی اسٹاک مارکیٹ نے آج ایک بار پھر زبردست گراوٹ کے ساتھ کاروبار شروع کیا ہے۔ بی ایس ای سینسیکس تجارت کے ابتدائی آدھے گھنٹے میں 1,180 پوائنٹس سے زیادہ نیچے آگیا۔وہیں، این ایس ای کے نفٹی نے بھی 350 سے زیادہ پوائنٹس کی گراوٹ درج کی ۔ اگرچہ اس گراوٹ کے بعد خریداری کے سہارے اسٹاک مارکیٹ میں کچھ بہتری آئی ہے لیکن مارکیٹ مسلسل سرخ نشان پر ٹریڈ کر رہی ہے۔امریکی فیڈرل ریزرو کی جانب سے شرح سود میں اضافے کے اشارے کے باعث دنیا بھر کی اسٹاک مارکیٹیں مندی کا شکار ہیں۔ کمزور عالمی اشارے کی وجہ سے ہندوستانی اسٹاک مارکیٹ نے بھی آج کمزوری کے ساتھ کاروبار شروع کیا۔ پہلے آدھے گھنٹے تک مارکیٹ میں مسلسل گراوٹ کا رجحان رہا تاہم اس کے بعد خریداروں کے سرگرم ہونے کی وجہ سے مارکیٹ میں بہتری کے آثار بھی نظر آنے لگے۔بمبئی اسٹاک ایکسچینج (بی ایس ای) سینسیکس نے آج 540.77 پوائنٹس کی کمزوری کے ساتھ 57,317.38 پوائنٹس پر تجارت شروع کی۔ ٹریڈنگ کے پہلے 10 منٹ میں اسٹاک مارکیٹ میں ہرطرف خرید و فروخت کا دباؤ رہا۔ جس کی وجہ سے سینسیکس بھی اوپر اور نیچے کی طرف حرکت کرتا رہا۔ لیکن ٹریڈنگ کے 10 منٹ کے بعد، مارکیٹ میں زبردست فروخت شروع ہوگئی، جس کی وجہ سے اگلے 20 منٹ میں سینسیکس 1,183.64 پوائنٹس گر کر 56,674.51 کی سطح پر آگیا۔اس شدید گراوٹ کے بعد خریدار مارکیٹ میں سرگرم ہوگئے اور ہر طرف خریداری شروع کردی۔ اس خرید سپورٹ کے ساتھ، سینسیکس کی حالت بھی تیزی سے بہتر ہونے لگی اور انڈیکس بحالی کی سمت بڑھنے لگا۔ تاہم، اس خرید کے درمیان فروخت کا دباؤ برقرار رہا۔ خرید و فروخت کے درمیان پہلے 1 گھنٹے تک تجارت کرنے کے بعد، سینسیکس صبح10:15 بجے 927.34 پوائنٹس کی کمزوری کے ساتھ 56,930.81 پوائنٹس کی سطح پر ٹریڈ کر رہا تھا۔سینسیکس کی طرح، نیشنل اسٹاک ایکسچینج (این ایس ای) کے نفٹی نے بھی آج 17,062 کی سطح سے 215.95 پوائنٹس کی کمزوری کے ساتھ کاروبار شروع کیا۔
ابتدائی تجارت میں لگاتار خرید و فروخت کی وجہ سے، نفٹی بھی پہلے 10 منٹ تک دبائومیں رہا، لیکن اس کے بعد تیزی سے فروخت ہونے سے نفٹی 350.10 پوائنٹس گر کر 16,927.85 پر آگیا۔مارکیٹ میں زبردست گراوٹ کے بعد شروع ہونے والی خرید نے نفٹی کو بھی سہارا دیا، جس کی وجہ سے انڈیکس تیزی سے ٹھیک ہونا شروع ہوا اور اوپر کی طرف بڑھنا شروع ہوا۔ نفٹی اس خرید و فروخت کے دباؤ کے درمیان پہلے 1 گھنٹے تک تجارت کرنے کے بعد صبح 10:15 بجے 275.70 پوائنٹس کی کمزوری کے ساتھ 17,002.25 پوائنٹس کی سطح پر ٹریڈ کر رہا تھا۔

About the author

Taasir Newspaper