نئی دہلی، یکم مارچ بین الاقوامی بازار میں خام تیل کی قیمتوں میں اضافے کے باوجود مقامی مارکیٹ میں پٹرول اور ڈیزل کی قیمتیں منگل کو بھی مستحکم رہیں۔ دارالحکومت دہلی میں منگل کو پٹرول 95.41 روپے فی لیٹر ، جب کہ ڈیزل 86.67 روپے فی لیٹر رہا۔پبلک سیکٹر کی آئل مارکیٹنگ کمپنیوں نے 3 نومبر 2021 سے دونوں ایندھن کی قیمتوں میں کوئی تبدیلی نہیں کی ہے۔ تاہم بین الاقوامی مارکیٹ میں خام تیل 100 ڈالر فی بیرل سے اوپر جا رہا ہے۔
انڈین آئل کی ویب سائٹ کے مطابق ملک کے بڑے میٹرو ممبئی، کولکاتہ اور چنئی میں پٹرول کی قیمت بالترتیب 109.98 روپے، 104.67 روپے اور 101.40 روپے فی لیٹر پر مستحکم ہے۔ ان میٹرو میں ڈیزل کی قیمت بھی بالترتیب 94.14 روپے، 89.79 روپے اور 91.43 روپے فی لیٹر ہے۔ دہلی کے قریبی شہر نوئیڈا میں پٹرول 95.51 روپے اور ڈیزل 87.01 روپے فی لیٹر مل رہا ہے۔قابل ذکر ہے کہ یوکرین اور روس کے درمیان جنگ شروع ہونے کے بعد خام تیل کی قیمت ریکارڈ سطح پر پہنچ گئی ہے۔ عالمی منڈی میں خام تیل کی قیمت اس وقت 101 ڈالر فی بیرل کے قریب ہے۔
ڈبلیوٹی آئی WTI کروڈ ہفتے کے دوسرے کاروباری دن $96.57 فی بیرل پر ٹرینڈ کر رہا ہے۔ اس کے ساتھ ہی برینٹ کروڈ کی قیمت 100.99 ڈالر فی بیرل پر ٹریڈ کر رہی ہے، جب کہ خام تیل کی قیمت گزشتہ ہفتے ریکارڈ 104 ڈالر کے قریب پہنچ گئی تھی۔