ملک بھر سے

صدارتی امیدوارکیلئے یشونت سنہا نیداخل کیا پرچہ نامزدگی

Written by Taasir Newspaper

Taasir Urdu News Network – Mosherraf- 27 June

نئی دہلی ، 27جون:صدرجمہوریہ کے عہدے کے لیے اپوزیشن کے مشترکہ امیدوار یشونت سنہا نے آج اپنا پرچہ نامزدگی داخل کیا۔ اس دوران کانگریس لیڈر راہل گاندھی بھی موجود تھے۔اس موقع پر کانگریس پارٹی کے سینئر لیڈر ملیکاارجن کھرگے نے کہا کہ ہمیں 17 سے زیادہ پارٹیوں کی حمایت حاصل ہے اور جن لوگوں سے ہم نے رابطہ نہیں کیا ۔ انہوں نے خود ہمارے صدارتی امیدوار یشونت سنہا جی کو فون کیا اور ان سے بات کی۔اب شاید تمام جماعتیں اکٹھی ہونے کے بعد آپس میں سخت لڑائی ہو گی۔اس سے قبل اتوار کو نیشنلسٹ کانگریس پارٹی (این سی پی) کے سربراہ شرد پوار نے کہا تھا کہ اپوزیشن جماعتوں کو صدارتی انتخابات میں اپنے مشترکہ امیدوار یشونت سنہا کی جیت کو یقینی بنانے کے لیے ہر ممکن کوشش کرنا ہوگی۔ اگر صدارتی انتخاب کے حساب سے دیکھا جائے تو حالات اتنے خراب نہیں ہیں جتنے بتائے جا رہے ہیں اور اپوزیشن جماعتوں کو اچھی لڑائی لڑنے کے لیے ٹھوس کوششیں کرنا ہوں گی۔این سی پی کے سربراہ کا یہ تبصرہ ایسے وقت میں آیا ہے جب کچھ اپوزیشن پارٹیاں جیسے وائی ایس آر کانگریس پارٹی اور بہوجن سماج پارٹی (بی ایس پی) نے 18 جولائی2022 کو ہونے والے انتخابات میں بی جے پی کی زیرقیادت نیشنل ڈیموکریٹک الائنس (این ڈی اے) کے امیدوار دروپدی مرمو کو پہلے ہی حمایت دے دی ہے۔بتادیں کہ ووٹنگ 18 جولائی کو ہوگی جب کہ ووٹوں کی گنتی کے لیے 21 جولائی کی تاریخ مقرر کی گئی ہے۔ امیدوار 29 جون تک کاغذات نامزدگی داخل کر سکیں گے۔ کاغذات نامزدگی کی جانچ پڑتال 30 جون کو ہوگی۔کاغذات نامزدگی واپس لینے کی آخری تاریخ 2 جولائی ہے۔خیال رہے کہ صدر رام ناتھ کووند کی میعاد 24 جولائی2022 کو ختم ہو رہی ہے۔

About the author

Taasir Newspaper