Taasir Urdu News Network – Syed M Hassan 23rd Sept
لکھنؤ، 23 ستمبر: اتر پردیش کے بندہ جیل میں بند مافیا مختار انصاری کی مشکلات میں اضافہ ہوتا جا رہا ہے۔ الہ آباد ہائی کورٹ کی لکھنؤ بنچ نے جمعہ کو مختار کو 23 سال پرانے گینگسٹر ایکٹ کیس میں پانچ سال کی سزا سنائی۔ اس کے علاوہ 50 ہزار روپے جرمانہ بھی عائد کیا ہے۔سرکاری وکیل راؤ نریندر سنگھ کے مطابق ریاستی حکومت نے گینگسٹر کیس میں مختار کو بری کرنے کے ٹرائل کورٹ کے حکم کو چیلنج کیا تھا۔ اس معاملے میں لکھنؤ کے حضرت گنج کوتوالی میں سال 1999 میں ایف آئی آر درج کی گئی تھی۔ اسی معاملے میں الہ آباد ہائی کورٹ کی لکھنؤ بنچ نے مختار کو مجرم قرار دیتے ہوئے پانچ برس قید کے ساتھ پچاس ہزار روپے کا جرمانہ بھی عائد کیا ہے۔
قابل ذکر ہے کہ اس سے قبل جمعرات کو مختار انصاری کو 2003 کے ایک کیس میں سات برس قید کی سزا سنائی گئی تھی۔ جس کیس میں سزا سنائی گئی ہے، مختار نے لکھنؤ جیل کے جیلر کو پستول دکھا کر جان سے مارنے کی دھمکی دی تھی۔