Pin-Up Казино

Не менее важно и то, что доступны десятки разработчиков онлайн-слотов и игр для казино. Игроки могут особенно найти свои любимые слоты, просматривая выбор и изучая своих любимых разработчиков. В настоящее время в Pin-Up Казино доступно множество чрезвычайно популярных видеослотов и игр казино.

سیاست

اختلاف نہیں، پارٹی کی مضبوطی کے لیے لڑ رہا ہوں کانگریس صدر کا انتخاب: کھڑگے

Written by Taasir Newspaper

Taasir Urdu News Network – Syed M Hassan 2nd Oct.

نئی دہلی، 02 اکتوبر: کانگریس کے صدارتی امیدوار ملکارجن کھڑگے نے اتوار کو کہا کہ ان کی امیدواری کسی کے خلاف نہیں ہے، لیکن وہ پارٹی کو مضبوط کرنا چاہتے ہیں۔ کھڑگے نے پریس کانفرنس میں کہا کہ ایک شخص، ایک عہدہ کے اصول پر عمل کرتے ہوئے انہوں نے راجیہ سبھا میں اپوزیشن لیڈر کے عہدے سے استعفیٰ دیا ہے۔
پریس کانفرنس کا اہتمام کانگریس قائدین دیپیندر ہڈا، سید ناصر حسین اور گورو ولبھ نے کیا تھا۔ ان کا کہنا تھا کہ اب وہ ملکارجن کھڑگے کے لیے مہم چلائیں گے۔ جس کی وجہ سے انہوں نے پارٹی کے ترجمان کا عہدہ چھوڑ دیا ہے۔قابل ذکر ہے کہ کانگریس صدر کے عہدے کے لیے انتخابی عمل جاری ہے۔ ہفتہ کو کاغذات نامزدگی کی جانچ کے بعد صرف ششی تھرور اور ملکارجن کھڑگے میدان میں ہیں۔ تھرور کا کہنا ہے کہ وہ تبدیلی کے امیدوار ہیں اور اگر ملکارجن صدر کا عہدہ سنبھالیں گے تو کانگریس میں جمود برقرار رہے گا۔
کھڑگے نے پریس کانفرنس میں واضح کیا کہ انہیں گاندھی خاندان کی جانب سے امیدوار نہیں بنایا گیا ہے بلکہ وہ دوسرے لیڈروں کے کہنے پر امیدوار بنے ہیں۔ ساتھ ہی تھرور کے بیان پر انہوں نے کہا کہ پارٹی میں کسی بھی قسم کی تبدیلی کو اجتماعی فیصلے کے ذریعے اپنایا جائے گا۔ اس دوران انہوں نے مرکزی حکومت پر حملہ کرتے ہوئے کہا کہ ملک میں مہنگائی، بے روزگاری اور غریبی کا فرق بڑھتا جا رہا ہے۔
کانگریس صدر کی امیدواری سے نامزدگی 8 اکتوبر تک واپس لیے جا سکتے ہیں۔ اگر دونوں امیدوار میدان میں رہتے ہیں تو پولنگ 17 اکتوبر کو ہوگی اور 19 اکتوبر کو ووٹوں کی گنتی کے بعد نتائج کا اعلان کیا جائے گا۔

About the author

Taasir Newspaper