Taasir Urdu News Network – Syed M Hassan 19th Nov.

گیا، 19 نومبر: بہار کے گیا ضلع میں مجاہد ا?زادی ادا دیوی کی برسی کے موقع پر ’نشہ مکت بھارت‘ مہم کے تحت تقریب کا اہتمام کیا گیا۔ اس میں اترپردیش کے بی جے پی رہنما و مرکزی وزیر برائے مملکت کوشل کشور چودھری شامل ہوئے۔ انہوں نے اس دوران بہار کے سابق وزیراعلیٰ جیتن رام مانجھی کا شراب بندی قانون پر دیے جانے والے بیان کہ شراب دوا کے طور پر استعمال کرنے کی اجازت ہونی چاہیے، پر کہا کہ مانجھی ہمارے دوست ہیں تاہم ان کے اس بیان کی حمایت ہرگز نہیں کی جاسکتی ہے۔ شراب و نشے کے چکر میں کوئی فرد کب شراب اور نشے کا عادی ہوجائے؟ یہ کسی کو پتہ نہیں چلے گا۔ اس لئے سابق وزیراعلی جیتن رام مانجھی کے اس بیان اور مطالبے کی حمایت نہیں کی جاسکتی ہے۔
انہوں نے کہا کہ ان کا بیٹا بھی اسی طرح نشے کا بڑا عادی ہوگیا تھا جس کا خمیازہ اسے اپنی جان سے بھگتنا پڑا۔ 2020 میں اس کی موت ہوگئی۔ ہم ایم پی اور وزیر ہیں، بیوی ملیح ا?باد سے رکن اسمبلی ہے حالانکہ ہم اپنے بیٹے کو نہیں بچا سکے۔ ہمارا حال ایسا ہے تو پھر عام لوگوں کا کیا ہوگا؟