Taasir Urdu News Network – Syed M Hassan 17th Nov.

نینی تال، 17 نومبر: ملک کے سابق کرکٹ کپتان وراٹ کوہلی اپنی اداکارہ بیوی انوشکا شرما اور بیٹی وامیکا کے ساتھ جمعرات کی صبح 6 بجے بابانیب کروری کے قینچی دھام پہنچے۔ اس دوران انہوں نے یہاں کمبل اوڑھے مسکراتے ہوئے بیٹھے بابا نیب کروری کی مورتی کے درشن کیے اور مندر میں صبح کی آرتی میں بھی شرکت کی۔اس دوران وہ تقریباً ایک گھنٹہ مندر میں رہے اور مقدس چٹان کے بھی درشن کر مندر کی ٹرسٹی جیا دیدی سے بابا نیب کروری کے بارے میں معلومات حاصل کی ۔ اس دوران مندر کے پجاری راجن کانڈپال، روہت کنوال، دیکانش بورا اور منیش چودھری نے ان کی پوجا کرائی۔ مندر کے باہر پجاریوں کے ساتھ تصویر بھی کھنچوائی۔ تاہم ان کی یہاں آمد مکمل طور پر نجی اور خفیہ رہی ۔ پولیس انتظامیہ کو بھی ان کے پروگرام کا علم نہیں تھا۔ بتایا جا رہا ہے کہ یہاں سے وہ رام گڑھ مکتیشور کی طرف واپس چلے گئے ۔حال ہی میں وراٹ کی خراب فارم کے دوران انوشکا نے بابانیب کروری کی تصویر سوشل میڈیا پر اپ لوڈ کی اور نیم کرولی مہاراج کے نام سے بھی مشہور بابا نیب کروری سے اپنے شوہر کے لیے دعا مانگی تھی۔ اس کے بعد ہی وراٹ کوہلی ٹی ۔20 ورلڈ کپ میں اپنی پرانی فارم میں واپس آگئے اور سب سے زیادہ 296 رن بنائے تھے۔
قابل ذکر ہے کہ وراٹ کوہلی کا سسرال دہرادون میں ہے۔ انوشکا شرما نے اپنا بچپن دہرادون کے نیشویل روڈ میں گزارا ہے۔ دون کے پاش علاقے میں نیشویلا روڈ پر ان کے آبائی گھر کا نام شیلا بھون ہے۔ انوشکا کے والد لیفٹیننٹ اجے کمار شرما 16گڑھوال رائفلز میں تعینات تھے ۔ یہیں سے انہوں نے وی آر ایس لیا تھا۔