Taasir Urdu News Network – Syed M Hassan 20th Nov.

واشنگٹن،20 نومبر: سابق امریکی صدر ڈونالڈ ٹرمپ کا ٹوئٹر اکاونٹ بحال کر دیا گیا ہے۔ ایلن مسک نے ٹرمپ کا اکاونٹ بحال کرنے کا اعلان کر دیا۔ انہوں نے یہ فیصلہ ٹوئٹر پر لوگوں کی رائے جاننے کے بعد لیا۔ ٹوئٹر کے مالک ایلن مسک نے کہا تھا کہ سابق امریکی صدر ڈونالڈ ٹرمپ کا ٹوئٹر اکاونٹ جلد بحال کر دیا جائے گا۔ ٹرمپ کا ٹوئٹر اکاونٹ گزشتہ سال امریکی پارلیمنٹ پر حملے کے بعد معطل کر دیا گیا تھا۔
ایلن مسک نے 19 نومبر کو ایک پول میں صارفین سے پوچھا تھا کہ ایا ٹرمپ کا اکاونٹ بحال ہونا چاہیے یا نہیں۔ اس پر 51.8 فیصد صارفین نے اکاونٹ بحال کرنے کے حق میں ووٹ دیا۔ اس پول میں کل 1,50,85,458 لوگوں نے حصہ لیا۔ پول کو 135 ملین سے زیادہ لوگوں نے دیکھا۔ٹوئٹر خریدنے سے پہلے مسک نے ٹرمپ سمیت متعدد اکاونٹس پر عائد پابندیوں کو احمقانہ رویہ قرار دیا تھا۔ انہوں نے کہا تھا، ‘مستقل پابندیاں بہت مختصر ہونی چاہئیں۔ یہ اسپیم یا اسکام اکاونٹس سے منسوب ہونا چاہیے۔