Taasir Urdu News Network – Syed M Hassan 19th Nov.
پٹنہ، 19 نومبر: کڑھنی ضمنی انتخاب کو لے کر بہار میں سیاست گرم ہو گئی ہے۔ حکمراں جماعت اور اپوزیشن کی جانب سے مسلسل ردعمل سامنے ا?رہے ہیں۔ اسی ضمن میں بہار بی جے پی کے ریاستی صدر سنجے جیسوال نے کڑھنی اسمبلی انتخاب کو لیکر بڑا بیان دیا ہے۔ بی جے پی لیڈر نے اپنے بیان میں کہا کہ کڑھنی میں جو ضمنی انتخاب ہونے والا ہے۔ وہاں نتیش کمار نے کئی ڈمی امیدوار کھڑے کیے ہیں۔ ضمنی انتخاب میں بی جے پی کی جیت کو یقینی بتاتے ہوئے انہوں نے کہا کہ 8 دسمبر کو سب کچھ واضح ہو جائے گا۔
بہار بی جے پی کے ریاستی صدر سنجے جیسوال نے ریاستی حکومت پر الزام لگایا کہ حکومت بی جے پی لیڈر کی رہائش کو لیکر بار بار نوٹس بھیج رہی ہے۔ انہوں نے کہا کہ جے ڈی یو کے قانون ساز کونسلر جو اب ایوان میں بھی نہیں ہیں۔ ان کا گھر ابھی تک خالی نہیں ہوا۔ نتیش کمار کی حکومت دوہری پالیسی اپنا رہی ہے۔ نتیش کمار پر حملہ کرتے ہوئے انہوں نے کہا کہ عمارتوں کی تعمیر میں جس طرح مکانات کی تقسیم کی جارہی ہے۔ یقیناً بھارتیہ جنتا پارٹی اس پر بھی سوال اٹھاتی ہے۔ حکومت اپنے قائدین اور لوگوں کو ترجیح دے رہی ہے۔ جو اپوزیشن کے خلاف حکومت کی غلط پالیسی کو ظاہر کرتا ہے ، حکومت کو اس پر غور کرنا چاہیے۔
بی جے پی کے ریاستی صدر سنجے جیسوال نے بھی بہار میں محکمہ زراعت پر حملہ کیا ہے۔ انہوں نے وزیر زراعت کے اس الزام کو بے بنیاد قرار دیا جس میں بہار کے وزیر زراعت نے کہا تھا کہ مرکزی حکومت انہیں کھاد فراہم نہیں کر رہی ہے۔ بی جے پی کے ریاستی صدر نے کہا کہ مرکزی وزیر منسکھ بھائی منڈاویہ مسلسل کھاد کی فراہمی کی کوشش کر رہے ہیں۔ بہار حکومت کی طرف سے کھاد نہ وصول کرنے کی وجہ سے بہار میں کھاد کی قلت ہے۔
