Taasir Urdu News Network – Syed M Hassan 20th Nov.
کولکاتہ ، 20 نومبر:طویل بیماری کے بعد ٹالی ووڈ اداکارہ اندریلا شرما 24 سال کی عمر میں اسپتال میں انتقال کر گئیں۔ اسپتال ذرائع کے مطابق اداکارہ انجیلا شرما نے 20 نومبر یعنی اتوار کی رات 12 بجکر 59 منٹ پر آخری سانس لی۔اداکارہ اندریلا کو خرابی صحت کی وجہ سے یکم نومبر کو ہاوڑہ کے ایک نجی اسپتال میں داخل کرایا گیا تھا۔ ڈاکٹروں نے بتایا کہ انہیں برین اسٹروک ہوا ہے۔ وہ کوما میں چلی گئی ہیں اور انہیں وینٹیلیشن پر رکھا گیا ہے۔ گزشتہ 14 نومبر سے ادریلا کی جسمانی حالت بار بار ہارٹ اٹیک کی وجہ سے خراب ہونے لگی تھی۔ اداکارہ کو ہفتے کی رات اور اتوار کی صبح دوبارہ دل کا دورہ پڑا جس کے باعث ان کی حالت مزید بگڑ گئی۔ اندریلا صدمہ برداشت نہ کرسکی اور اتوار کی سہ پہر ان کی موت ہوگئی۔ اس وقت اسپتال میں ان کے والدین اور خاندان کے دیگر افراد موجود تھے۔
یہ امر قابل ذکر ہے کہ اس سے قبل دو بار کینسر کی تشخیص کے بعد اندریلا علاج سے صحت یاب ہو کر گھر واپس آگئی تھیں۔ انہیں پہلی بار کینسر کی تشخیص 2015 میں ہوئی جب وہ 11ویں جماعت میں پڑھ رہے تھے۔ سال 2021 میں انہیں دوسری بار کینسر کی تشخیص ہوئی۔ کینسر سے جنگ کے ساتھ ساتھ اداکارہ نے اپنی اداکاری کا کام بھی جاری رکھا۔
