کٹیہار (عمر مُرشد) 30 دسمبر 22: کٹیہار بلدیاتی انتخابات کے دوسرے مرحلے کے ووٹوں کی گنتی کا اختتام ہو چکا ہے ۔ اس کے لیے بدھ کو پولنگ پرامن طریقے سے مکمل ہوئی۔ کٹیہار میونسپل کارپوریشن میں نئے چہرے جیت گئے۔ کٹیہار میونسپل کارپوریشن سے میئر امیدوار اوشا دیوی اگروال کو میئر قرار دیا گیا۔ اوشا اگروال نے تقریباً 20000 ووٹوں سے کامیابی حاصل کی۔ وہیں ڈپٹی میئر کے امیدوار منظور خان نے 2220 ووٹ لے کر کامیابی حاصل کی۔

 ببیتا کماری بروری کی چیف کونسلر بنی

 کٹیہار باراری نگر پنچایت سے چیف کونسلر کے عہدے کی امیدوار ببیتا کماری یادو فاتح بن گئیں، انہوں نے اپنی قریبی حریف ریتا دیوی کو 350 ووٹوں سے شکست دی۔ ببیتا کماری یادو بی جے پی کی ریاستی ورکنگ کمیٹی کی رکن اور علاقائی انچارج ہیں۔ اپنی جیت کے بعد چیف کونسلر جیتنے والی ببیتا کماری یادو نے اپنے تمام ووٹروں کو جیت کی مبارکباد پیش کی ۔