Pin-Up Казино

Не менее важно и то, что доступны десятки разработчиков онлайн-слотов и игр для казино. Игроки могут особенно найти свои любимые слоты, просматривая выбор и изучая своих любимых разработчиков. В настоящее время в Pin-Up Казино доступно множество чрезвычайно популярных видеослотов и игр казино.

ملک بھر سے

ایئرپورٹ پر اساتذہ کی کورونا ڈیوٹی نہیں لگائی جائے گی

Written by Taasir Newspaper

Taasir Urdu News Network – Syed M Hassan 27th Dec.

نئی دہلی ،27دسمبر:ڈسٹرکٹ ڈیزاسٹر مینجمنٹ اتھارٹی نے 31 دسمبر سے 15 جنوری تک دہلی ہوائی اڈے پر کووڈ ڈیوٹی پر اسکول کے اساتذہ کو تعینات کرنے کا اپنا حکم واپس لے لیا ہے۔ اتھارٹی کا کہنا ہے کہ ضرورت پڑنے پر سول ڈیفنس کے اہلکار ایئرپورٹ پر تعینات کیے جائیں گے۔اس سے قبل احکامات جاری کیے گئے تھے کہ دہلی کے سرکاری اسکولوں کے اساتذہ کو 31 دسمبر سے 15 جنوری تک دہلی کے ہوائی اڈے پر تعینات کیا جائے گا تاکہ یہ یقینی بنایا جا سکے کہ بیرون ملک سے آنے والے مسافروں کے ساتھ کووڈ کے مناسب رویے کی پیروی کی جائے۔موسم سرما کی تعطیلات کی وجہ سے اس مدت کے دوران دہلی میں اسکول بند رہیں گے۔ اس لیے اس کام میں اساتذہ کی ڈیوٹی لگائی گئی ہے۔ کورونا کی پچھلی لہروں میں بھی اساتذہ نے اپنا قابل تحسین کردار ادا کیا تھا۔واضح رہے کہ دہلی میں COVID-19 کیسوں کی تعداد میں اچانک اضافے کے ساتھ مرکزی حکومت نے لوگوں سے چہرے کے ماسک پہننے اور عوامی مقامات پر حفاظتی اصولوں پر سختی سے عمل کرنے کی اپیل کی ہے۔ اس کے ساتھ ہی دہلی حکومت نے پیر کو دارالحکومت کے تمام سرکاری اسپتالوں کو آنے والے دنوں میں بڑھتے ہوئے انفیکشن کے پیش نظر تیاریوں اور سپلائی کو بڑھانے کی ہدایت کی۔ایک سرکاری بیان کے مطابق نائب وزیر اعلیٰ منیش سسودیا نے سرکاری اسپتالوں کے ڈائریکٹروں اور میڈیکل سپرنٹنڈنٹ کے ساتھ جائزہ میٹنگ کی۔ انہوں نے انہیں ہدایت کی کہ وہ کووڈ کیسز میں اضافے کے لیے تیار رہیں۔ سسودیا نے اسپتال کے سربراہوں کو ہدایت دی تھی کہ وہ کووڈ-19 کے لیے تیاریوں کا جائزہ لیں اور اس بات کو یقینی بنائیں کہ مرکزی وزارت صحت کی طرف سے وضع کردہ رہنما خطوط کے مطابق تمام ضروریات پوری ہوں۔

About the author

Taasir Newspaper