Taasir Urdu News Network – Syed M Hassan 18 th Dec.

کراچی ،18دسمبر: پاکستان اور انگلینڈ کے درمیان سیریز کا تیسرا اور آخری ٹیسٹ میچ کراچی میں کھیلا جا رہا ہے۔ پاکستان پہلے ہی دو ٹیسٹ میچ ہارنے کے بعد سیریز ہار چکا ہے۔ اب تیسرے میچ میں کیا ہوتا ہے دیکھنا یہ ہوگا۔ لیکن انگلینڈ کے بلے باز ہیری بروک اس دورے میں اب تک شاندار لے میں نظر آئے۔ انہوں نے پاکستان کے خلاف کھیلتے ہوئے اپنی تیسری ٹیسٹ سنچری بنائی ہے۔ اس تیسرے میچ کی پہلی اننگز میں انہوں نے 8 چوکوں اور 3 چھکوں کی مدد سے 111 رنز بنائے۔6 اننگز میں تین سنچریاں بنا چکے ہیں۔بروک اب تک اپنے ٹیسٹ کیریئر کی کل 6 اننگز میں 3 سنچریاں بنا چکے ہیں۔ انہوں نے اپنے ٹیسٹ کیریئر کا آغاز رواں سال ستمبر میں افریقہ کے خلاف کھیلے گئے ٹیسٹ میچ سے کیا تھا۔ جب سے بروک نے کل 4 ٹیسٹ میچوں کی 6 اننگز میں 3 سنچریاں اسکور کی ہیں۔ اب تک اپنے ٹیسٹ کیریئر میں وہ 4 میچوں کی 6 اننگز میں 80 کی اوسط سے 480 رنز بنا چکے ہیں۔ اس میں ان کا ہائی اسکور 153 رنز رہا ہے۔خیال رہے کہ پاکستان کے دورے پر تینوں سنچریاں اسکور کی ہیں۔بروک نے اپنے کیریئر کی اب تک کی تینوں سنچریاں پاکستان کے دورے پر بنائی ہیں۔ اس میں انہوں نے پہلے ٹیسٹ میچ کی پہلی اننگز میں 153 رنز بنائے۔ اس کے بعد انہوں نے دوسرے میچ کی دوسری اننگز میں 108 رنز کی اننگز کھیلی۔ اب کھیلے جا رہے تیسرے ٹیسٹ میچ کی پہلی اننگز میں انہوں نے 108 رنز بنائے ہیں۔ بروک نے اب تک پاکستان کے دورے میں 93.41 کی اوسط سے 468 رنز بنائے ہیں۔ وہ اس ٹور میں اب تک سب سے زیادہ رنز بنانے والے کھلاڑی بھی ہیں۔