Pin-Up Казино

Не менее важно и то, что доступны десятки разработчиков онлайн-слотов и игр для казино. Игроки могут особенно найти свои любимые слоты, просматривая выбор и изучая своих любимых разработчиков. В настоящее время в Pin-Up Казино доступно множество чрезвычайно популярных видеослотов и игр казино.

ریاست

بچوں کے جھگڑے میں خاتون کا پیٹ پیٹ کر قتل

Written by Taasir Newspaper

Taasir Urdu News Network – Syed M Hassan 6 th Dec.

نئی دہلی،5دسمبر:دہلی میںصرف چار سے پانچ سال کے دو پڑوسی بچوں کے درمیان جھگڑے کا نتیجہ خاتون کے قتل تک پہنچ گیا۔ یہ واقعہ نریلا انڈسٹریل ایریا کے بوانا علاقہ میں پیش آیا۔ عینی شاہدین نے پولیس کو بتایا کہ بچوں کے جھگڑے میں جاں بحق ہونے والی 53 سالہ خاتون کا قصور صرف یہ تھا کہ اس نے لڑنے والے دونوں بچوں کو ڈانٹا۔ الزام ہے کہ پڑوسی خاندان اتنا مشتعل ہو گیا کہ گھر میں گھس کر خاتون کو مار مار کر ہلاک کر دیا۔ نریلا انڈسٹریل ایریا تھانے کی پولیس نے آئی پی سی 302/452/506/34 کے تحت مقدمہ درج کرکے تین ملزمان کو گرفتار کرلیا۔پولیس کے مطابق 27 سالہ پرتیبھا اپنے خاندان کے ساتھ جے جے کالونی بوانا میں رہتی ہے۔ گھر میں ساس اور سسررہتے ہیں۔ وہ آنگن واڑی میں کام کرتی ہے۔ روز کی طرح ہفتہ کو بھی ڈیوٹی سے 2.30 بجے گھر پہنچی۔ گھر آنے کے بعد وہ تیسری منزل پر تھی جب اس نے ہلچل کی آواز سنی۔ جب وہ نیچے آئی تو اسے معلوم ہوا کہ اس کا 4 سالہ بیٹا اور محلے کا 5 سالہ بچہ کھیلتے ہوئے لڑ رہے تھے۔ اس وقت پرتیبھا کی ساس اور سسر گھر میں تھے۔ آواز سن کر 53 سالہ ساس راموتی بھی آگئیں۔ اس نے دونوں بچوں کو ڈانٹا۔ واقعے کی عینی شاہد پرتیبھا نے پولیس کو بیان دیا کہ تبھی اس کی نانی کملا پڑوسی بچے کے گھر والوں سے ناراض ہوگئیں۔ الزام ہے کہ ساس راموتی اور کملا کے درمیان جھگڑا ہوا تھا۔ اس وقت پرتیبھا نے دونوں کو تسلی دی اور رخصت کیا۔ اس کے بعد ساس اور سسر چار بجے گھر سے باہر چہل قدمی کے لیے چلے گئے۔ پانچ بجے کے قریب واپس آ کر سسر گائے چرا رہے تھے اور ساس چارپائی پر بیٹھی تھیں۔الزام ہے کہ ایک ہی پڑوسی خاندان سے تعلق رکھنے والی رینو، پوجا، بابو اور کملا شام تقریباً 6 بجے گھر میں آئے ان کے ساتھ بدسلوکی کی۔ تینوں نے چارپائی پر بیٹھی ساس کو مارنا شروع کر دیا۔ بابو نامی شخص نے کنڈی کو اندر سے بند کر دیا تاکہ کوئی اسے بچانے نہ آ سکے۔ اس کے بعد الزام ہے کہ پوجا نے اس کا گلا گھونٹ دیا۔ جبکہ رینو اور کملا نے ساس کو چارپائی سے جکڑ رکھا تھا۔ جب پرتیبھا نے اپنی ساس کو چھڑانے کی کوشش کی تو رینو نے اسے بال پکڑ کر نیچے کھینچ لیا۔ اس کے بعد شور سن کر آس پاس کے لوگ جمع ہو گئے۔ مار پیٹ کی وجہ سے ساس زخمی حالت میں وہیں گر گئیں۔ ملزمان موقع سے فرار ہوگئے۔ گھر والے راموتی کو فوراً اسپتال لے گئے، جہاں ڈاکٹروں نے اسے مردہ قرار دیا۔ پولیس نے قتل کے الزام میں پوجا، رینو اور کملا کو گرفتار کر لیا ہے۔ متاثرہ کے اہل خانہ کا الزام ہے کہ قتل کے دوران ملزم نے راموتی کی آنکھوں میں مرچیں بھی ڈالی تھیں۔ پولیس باقی ملزمان کی تلاش کر رہی ہے۔

About the author

Taasir Newspaper