Taasir Urdu News Network – Syed M Hassan 18 th Dec.

نئی دہلی،18 دسمبر:پنجاب کے سابق وزیر اعلی اور بی جے پی لیڈر کیپٹن امریندر سنگھ نے این ڈی ٹی وی کے صدا پنجاب کنکلیو میں پنجاب حکومت کے مستقبل پر سوالات اٹھائے۔ انہوں نے کہا کہ اس حکومت کا 6 ماہ میں ہی زوال شروع ہو گیا ہے۔ انہوں نے کہا کہ پنجاب کا وزیر اعلیٰ کون ہے بھگونت مان یا راگھو چڈھا؟ راگھو چڈھا حکومت کی تمام فائلوں کو دیکھ رہے ہیں، بھگونت مان صرف ان پر دستخط کر رہے ہیں پنجاب حکومت کو بنے تقریباً نو ماہ ہو چکے ہیں۔ اس حکومت کا رپورٹ کارڈ کیا ہے؟ اس سوال پر امریندر سنگھ نے کہا، ’’ان کی (عام آدمی پارٹی کی حکومت) گراوٹ بہت تیزی سے ہو رہی ہے۔ چھ ماہ کے اندر ان کی پوزیشن نیچے کی طرف جا رہی ہے۔ گاؤں کے لوگ کہہ رہے ہیں کہ یہ حکومت نہیں چل سکے گی۔ پنجاب میں ان کا کوئی مستقبل نہیں۔ اس کی بہت سی وجوہات ہیں۔ امن و امان مکمل طور پر قابو سے باہر ہے گینگسٹرزم، منشیات کا کاروبار، پاکستان سے دہشت گردی… اور دہشت گردی اور منشیات ایک دوسرے سے جڑے ہوئے ہیں۔ یہ سب باتیں سامنے آتی ہیں۔ یہ میری حکومت میں بھی شروع ہوا، ہم نے اس سے سختی سے نمٹا۔ اب کوئی سختی نہیں، جو چاہو کرو۔ کوئی دن ایسا نہیں جاتا جب امن و امان کا مسئلہ نہ ہو۔