Pin-Up Казино

Не менее важно и то, что доступны десятки разработчиков онлайн-слотов и игр для казино. Игроки могут особенно найти свои любимые слоты, просматривая выбор и изучая своих любимых разработчиков. В настоящее время в Pin-Up Казино доступно множество чрезвычайно популярных видеослотов и игр казино.

فن فنکار

سوشانت سنگھ راجپوت کے قتل کے دعوے کے بعد بہن نے کیاسی بی آئی تفتیش کا مطالبہ

Written by Taasir Newspaper

Taasir Urdu News Network – Syed M Hassan 27th Dec.

حال ہی میں ممبئی کے کوپر اسپتال کے ملازم روپ کمار نے آنجہانی اداکار سوشانت سنگھ راجپوت کی موت کے بارے میں چونکا دینے والا انکشاف کیا ہے۔ اس کے بعد ایک بار پھر سوشل میڈیا پر سوشانت سنگھ راجپوت کے لیے انصاف کا مطالبہ اٹھنے لگا ہے۔ دریں اثنا، آنجہانی اداکار کی بہن شویتا سنگھ کیرتی نے بھی ردعمل ظاہر کرتے ہوئے اس معاملے میں سی بی آئی انکوائری کا مطالبہ کیا ہے۔
درحقیقت کوپر ہسپتال کے ایک ملازم نے دعویٰ کیا ہے کہ سوشانت سنگھ نے خودکشی نہیں کی بلکہ اسے قتل کیا گیا ہے۔ ملازم کا کہنا ہے کہ اداکار کے جسم پر’فریکچر کے نشان‘ تھے۔ دعویٰ کیا جارہا ہے کہ اس ملازم نے مبینہ طور پر 2020 میں سوشانت سنگھ راجپوت کا پوسٹ مارٹم دیکھا تھا۔ اس ملازم کے اس بڑے دعوے کے بعد سوشانت سنگھ راجپوت ایک بار پھر سوشل میڈیا پر ٹرینڈ کرنے لگے ہیں۔ لوگ اس پورے معاملے کی نئی تحقیقات کا مطالبہ کر رہے ہیں۔
دریں اثنا منگل کے روز سوشانت کی بہن شویتا کریتی سنگھ نے ایک بار پھر ٹویٹ کرکے سی بی آئی انکوائری کا مطالبہ کیا۔ انہوں نے سوشل میڈیا پر لکھا ،’ اگر اس ثبوت میں ایک ذرہ بھی سچائی ہے تو ہم سی بی آئی سے اس پر سنجیدگی سے غور کرنے کی اپیل کرتے ہیں۔ ہمیں ہمیشہ یقین رہا ہے کہ آپ لوگ منصفانہ تحقیقات کر کے ہمیں سچ بتائیں گے۔ سپریم کورٹ کی کلوزر رپورٹ نہ ملنے کے درد سے ہمارے دل آج بھی تڑپ رہے ہیں، اس کے ساتھ انہوں نے سوشانت سنگھ راجپوت کے لیے جسٹس ہیش ٹیگ کا بھی استعمال کیا ہے۔ انہوں نے اسپتال کے ملازم روپ کمار کے لیے بھی سیکورٹی مانگی ہے۔ شویتا کریتی سنگھ کی پوسٹ پر لوگ اپنا ردعمل دے رہے ہیں۔
بتادیں کہ سوشانت سنگھ راجپوت کا کیس بہت پہلے بند ہوچکا ہے۔ تحقیقاتی ٹیم نے کہا تھا کہ اداکار نے خودکشی کی ہے۔ تاہم ان کی خودکشی کے حوالے سے سوشل میڈیا پر اب بھی کئی طرح کے سوالات اٹھتے رہتے ہیں۔ سوشانت سنگھ راجپوت کی لاش 14 جون 2020 کو ان کے ممبئی فلیٹ سے مشکوک حالات میں ملی تھی۔

About the author

Taasir Newspaper