Taasir Urdu News Network – Syed M Hassan 8 th Dec.
پٹنہ، 7دسمبر(ہ س)۔شمالی ہندوستان میں بڑھتی ہوئی سردی اور دھند کی وجہ سے بہار میں ٹرینوں کی آمدورفت متاثر ہے۔ کئی ٹرینیں منسوخ کی جا رہی ہیں اور کئی ٹرینیں کئی گھنٹے تاخیر سے چل رہی ہیں۔ اس میں زیادہ تر ٹرینیں شمالی ہندوستان سے آتی ہیں۔ آج بھی پٹنہ جنکشن سے گزرنے والی درجنوں ٹرینیں تاخیر سے چل رہی ہیں اور کئی ٹرینیں منسوخ کر دی گئی ہیں۔
اس بار بھی دھند کے سامنے ریلوے انتظامیہ کا دعویٰ ناکام ہوتا دکھائی دے رہا ہے۔ ریلوے انتظامیہ کی جانب سے کہا گیا ہے کہ ٹرینیں موسم سرما میں وقت کے مطابق چلائی جائیں گی۔
حالانکہ سرد موسم شروع ہوتے ہی ریلوے انتظامیہ کا بیانیہ ناکام ہوتا نظر آرہا ہے۔ ریلوے انتظامیہ کی جانب سے سگنل لائٹ کو مزید گہرا کر دیا گیا۔ ٹرینوں میں خصوصی فوگ سیفٹی ڈیوائس بھی بھی نصب کیے گئے تھے۔
اس کے باوجود ٹرینیں مسلسل تاخیر سے چل رہی ہیں۔پٹنہ سے گزرنے والی کئی ٹرینیں منسوخ کر دی گئی ہیں۔ جس میں اکال تخت ایکسپریس ، پٹنہ پاٹلی پترا تھاوے ٹرین ، ہاوڑہ دہرادون کمبھ ایکسپریس ، پٹنہ کٹیہار انٹرسٹی شامل ہیں۔ اس کے علاوہ پٹنہ دربھنگہ جے نگر ، پٹنہ سہرسہ راجرانی ایکسپریس ، پورنیہ رانچی ہٹیا کوسی ایکسپریس اور پٹنہ تھاوے اسپیشل کو بھی منسوخ کردیا گیا۔ منگل سے بہار میں ہوا کے ساتھ سردی بڑھنے لگی ہے۔ ایسے میں ریلوے مسافروں کو گھنٹوں ریلوے اسٹیشن پر ٹرینوں کے انتظار میں بیٹھنا پڑتا ہے جس کی وجہ سے ریلوے مسافروں کو سردی کے موسم میں شدید پریشانی کا سامنا کرنا پڑتا ہے۔
