Pin-Up Казино

Не менее важно и то, что доступны десятки разработчиков онлайн-слотов и игр для казино. Игроки могут особенно найти свои любимые слоты, просматривая выбор и изучая своих любимых разработчиков. В настоящее время в Pin-Up Казино доступно множество чрезвычайно популярных видеослотов и игр казино.

ریاست

شیلی اوبرائے ہوں گی آپ کی میئر

Written by Taasir Newspaper

Taasir Urdu News Network – Syed M Hassan 23rd Dec.

نئی دہلی،23دسمبر:عام آدمی پارٹی نے جمعہ کو دہلی میں میئر کے عہدے کے نام کا اعلان کیا ہے۔ ’آپ ‘شیلی اوبرائے میئر ہوںگی۔ ایم سی ڈی الیکشن جیتنے کے بعد سے ہی دہلی کے نئے میئر کو لے کر قیاس آرائیوں کا بازار گرم تھا۔ شیلی کے نام کا فیصلہ جمعہ کو ہونے والی پی اے سی میٹنگ میں کیا گیا۔شیلی اوبرائے کو عام آدمی پارٹی کی جانب سے میئر کے عہدے کے لیے امیدوار بنایا گیا ہے۔ دہلی میونسپل کارپوریشن انتخابات میں ’آپ‘ کی جیت کے بعد ’آپ‘ کے میئر کے عہدے کو لے کر کافی سسپنس پیدا ہو گیا تھا۔ طویل انتظار کے بعد ’آپ‘ نے شیلی اوبرائے کو اپنا امیدوار نامزد کیا ہے۔ شیلی وارڈ نمبر 86 (پٹیل نگر) سے کارپوریٹر منتخب ہوئیں۔ڈپٹی میئر کے عہدے کے امیدوار محمد اقبال مٹیا محل اسمبلی سیٹ کے وارڈ نمبر 76 سے کونسلر ہیں۔ اے اے پی نے ایم سی ڈی انتخابات میں بی جے پی کو شکست دی، جو ایم سی ڈی پر 15 سال سے حکومت کر رہی تھی اور مکمل اکثریت حاصل کی۔’’آپ‘‘ نے 134، بی جے پی نے 104، کانگریس نے 9 اور آزاد امیدواروں نے 3 وارڈوں پر کامیابی حاصل کی۔ایم سی ڈی انتخابات کے نتائج کا اعلان 7 دسمبر کو ہوا تھا۔ عام آدمی پارٹی نے 134 اور بی جے پی نے 104 سیٹیں جیتیں۔ دوسری طرف دہلی بی جے پی نے پہلے ہی اعلان کر دیا ہے کہ وہ میئر اور ڈپٹی میئر کے عہدے کے لیے اپنا امیدوار کھڑا نہیں کرے گی۔ ایم سی ڈی میں میئر بننے کے لیے 126 کا ہندسہ درکار ہے۔دہلی میونسپل کارپوریشن ایکٹ کے مطابق، لوکل اربن باڈی کے لیے ہر 5 سال بعد انتخابات کرانا لازمی ہے تاکہ یہ فیصلہ کیا جا سکے کہ کس پارٹی کو اقتدار میں رہنے کے لیے اکثریت حاصل ہے۔ ایکٹ کے سیکشن 35 میں کہا گیا ہے کہ شہری ادارے کو ہر مالی سال کی پہلی میٹنگ میں میئر کا انتخاب کرنا چاہیے۔

About the author

Taasir Newspaper