Pin-Up Казино

Не менее важно и то, что доступны десятки разработчиков онлайн-слотов и игр для казино. Игроки могут особенно найти свои любимые слоты, просматривая выбор и изучая своих любимых разработчиков. В настоящее время в Pin-Up Казино доступно множество чрезвычайно популярных видеослотов и игр казино.

ملک بھر سے

پاکستانی کشتی سے اسلحہ سمیت 300 کروڑ روپے کا ڈرگس برآمد

Written by Taasir Newspaper

Taasir Urdu News Network – Syed M Hassan 27rd Dec.

احمد آباد :26دسمبر (ایجنسی )گجرات اے ٹی ایس نے انڈین کوسٹ گارڈ یعنی ساحلی محافظ کے ساتھ ایک مشترکہ کارروائی کرتے ہوئے پاکستان کی ایک ایسی کشتی کو پکڑا ہے جس میں کثیر تعداد میں اسلحے، گولہ و بارود اور ڈرگس موجود تھے۔ ایک خفیہ جانکاری کو بنیاد بنا کر کی گئی اس کارروائی کے دوران جو پاکستانی کشتی پکڑی گئی ہے اس میں 10 پاکستانی شہری سوار ملے ہیں۔ آئی سی جی (انڈین کوسٹل گارڈ) کو اس ناؤ سے اسلحہ اور گولہ بارود کے ساتھ ساتھ 40 کلو ڈرگس ملا ہے۔ اس ڈرگس کی قیمت تقریباً 300 کروڑ روپے اندازہ کی جا رہی ہے۔آئی سی جی نے اس کارروائی کے بارے میں جانکاری دیتے ہوئے بتایا کہ آپریشن 25 اور 26 دسمبر کو چلایا گیا تھا۔ ایک خفیہ جانکاری گجرات اے ٹی ایس کی طرف سے ملی تھی جس میں بتایا گیا تھا کہ پاکستانی کشتی ہندوستانی سرحد میں داخل ہو رہی ہے۔ اس کے بعد 25 دسمبر کی دیر شب آپریشن چلایا گیا جس میں آئی سی جی نے اپنے جہاز ارنجے کو پاکستان سے ملحق سرحدی لائن پر تعینات کر دیا تھا۔ اس کے بعد ٹیم نے ایک مچھلی پکڑنے والی پاکستانی کشتی کو روکا جس کا نام السہیلی تھا۔ اس میں جب تلاشی لی گئی تو اس سے اسلحے، گولہ و بارود اور نشیلی اشیاء برآمد ہوئی۔ آئی سی جی کا کہنا ہے کہ فی الحال کشتی میں سوار سبھی لوگوں کو گرفتار کر لیا گیا ہے اور آگے کی جانچ و پوچھ تاچھ کے لیے انھیں اوکھا لے جایا جا رہا ہے۔قابل ذکر ہے کہ گزشتہ 18 ماہ میں ہندوستانی ساحلی محافظ اور اے ٹی ایس گجرات کے ذریعہ یہ ساتویں مشترکہ کارروائی ہے اور ایسی پہلی مہم ہے جس میں مبینہ طور پر ڈرگس کے ساتھ اسلحے و گولہ بارود کی اسمگلنگ کا پردہ فاش ہوا ہے۔ اس مدت کے دوران 44 پاکستانی اور 7 ایرانی ڈرائیور ٹیم کی گرفتاری کے ساتھ 1930 کروڑ روپے قیمت کی مجموعی طور پر 346 کلوگرام ہیروئن پہلے ہی ضبط کی جا چکی ہے۔

About the author

Taasir Newspaper