Pin-Up Казино

Не менее важно и то, что доступны десятки разработчиков онлайн-слотов и игр для казино. Игроки могут особенно найти свои любимые слоты, просматривая выбор и изучая своих любимых разработчиков. В настоящее время в Pin-Up Казино доступно множество чрезвычайно популярных видеослотов и игр казино.

سیاست

کیجریوال جھوٹ کی سیاست کر رہے ہیں: گوتم گمبھیر

Written by Taasir Newspaper

Taasir Urdu News Network – Syed M Hassan 5 th Dec

نئی دہلی، 4 دسمبر: دہلی کے بلدیاتی یعنی ایم سی ڈی انتخابات کے لئے ووٹنگ کے عمل کے درمیان مختلف حلقوں سے اراکین پارلیمنٹ، اراکین اسمبلی اور مشہور شخصیات کی ووٹنگ کی تصویریں منظر عام پر آئی ہیں۔ دریں اثنا، مشرقی دہلی کے رکن لوک سبھا گوتم گمبھیر نے راجندر نگر پولیس اسٹیشن نمبر 39 میں اپنی اہلیہ کے ساتھ ووٹ ڈال کر اپنے حق رائے دہی کا استعمال کیا۔ اپنا ووٹ ڈالنے کے بعد گوتم گمبھیر نے میڈیا سے بات کرتے ہوئے دہلی کے وزیر اعلی اروند کیجریوال اور وزیر اعلی منیش سسودیا پر شدید حملہ کیا۔
انہوں نے کہا کہ جس طرح شراب کی ایکسائز پالیسی کو لے کر بڑے پیمانے پر بدعنوانی ہوئی ہے، دہلی حکومت کے تمام محکموں میں بڑے پیمانے پر کرپشن ہوئی ہے۔ اس کی حقیقت سب کے سامنے آجائے گی۔ بی جے پی ایم سی ڈی میں اپنے کام اور سچائی کو لے کر دہلی کے لوگوں کے درمیان جا رہی ہے۔ دہلی کے وزیر اعلیٰ نے اپنے آٹھ سال کے دور میں ایک بار بھی غازی پور کا دورہ نہیں کیا اور نہ ہی انہوں نے ایک بار بھی اس بارے میں بات کی ہے۔ لیکن اس بار ایم سی ڈی انتخابات میں اس کی بات کر رہی ہے، جو پوری طرح سے ایک ایجنڈا ہے۔
انہوں نے کہا کہ دہلی کے وزیر اعلیٰ نے راجدھانی کے اندر نہ تو کوئی اسکول یا کالج بنایا اور نہ ہی جمنا ندی کی صفائی کا کوئی کام کیا۔ بی جے پی اس سلسلے میں مسلسل سوالات کر رہی ہے، لیکن وزیر اعلیٰ کے پاس کوئی جواب نہیں ہے۔ یہ پوچھے جانے پر کہ ایم سی ڈی انتخابات میں بی جے پی کتنی سیٹیں حاصل کرے گی، گمبھیر نے کہا، ’’میں کوئی نجومی نہیں ہوں، جو پیشین گوئی کر سکے، نتائج سب کے سامنے ہوں گے۔
قابل ذکر ہے کہ آج دارالحکومت دہلی میں ایم سی ڈی انتخابات کے لیے ووٹنگ کا بہت اہم دن تھا۔ 250 وارڈوں میں لوگوں نے جا کر ووٹ ڈالے۔ صبح 8 بجے سے ووٹنگ شروع ہونے کے بعد سے ووٹنگ کی رفتار بہت سست رہی۔ اس کے پیچھے ایک بڑی وجہ اتوار کو چھٹی کے ساتھ دہلی میں بڑی تعداد میں شادیوں اور دیگر تقریبات کو مانا جاتا ہے۔

About the author

Taasir Newspaper