اسپین میں امریکی سفارت خانے سمیت 6 اداروں کوبارودی پیکٹ موصول

Taasir Urdu News Network – Syed M Hassan 3rd Dec

میڈرڈ،2دسمبر :اسپانوی دارالحکومت میڈرڈ میں امریکی سفارت خانے نے اعلان کیا ہے کہ اسے ایک بوبی ٹریپ پارسل ملا ہے۔ یہ مشتبہ پیکٹ اسپین کے دیگر اداروں کو موصول ہونے والے پانچ پارسل پیکٹ کی طرح ہے۔اسپانوی حکام نے اسپین میں دھماکہ خیز پارسل بھیجنے کے 5 واقعات کی نشاندہی کی ہے جس کے بعد حفاظتی اقدامات مزید سخت کر دیے گئے ہیں جب کہ ابتدائی معلومات سے ظاہر ہوتا ہے کہ یہ پارسل سپین کی حدود سے بھیجے گئے تھے۔خبر رساں ادارے رائیٹرز کے مطابق ا سپین کے نائب وزیر داخلہ رافیل پیریز نے مشتبہ پارسلز کی بات کرتے ہوئے کہا کہ ملک میں دہشت گردی کا خطرہ نہیں، اس لیے سکیورٹی الرٹ کا درجہ بڑھانے کی ضرورت نہیں۔پیریز نے تصدیق کی کہ اسپانوی وزارت دفاع کو ایک دھماکہ خیز ڈیوائس ملی تھی جسے وزیر دفاع کو ایک پیکیج میں بتایا گیا تھا۔ ان کا کہنا تھا کہ ملک میں مختلف اداروں کو ملنے والے پانچ پیکٹوں میں ایک جیسا مواد اور خصوصیات کے ساتھ دھماکہ خیز آلات موجود تھے۔