Taasir Urdu News Network – Syed M Hassan 28th Dec.
کراچی، 28 دسمبر (: نیوزی لینڈ کے فاسٹ باؤلر اور ٹیسٹ کپتان ٹم ساؤتھی نے ٹیسٹ کرکٹ میں 350 وکٹیں مکمل کر لیں۔ وہ یہ کارنامہ انجام دینے والے صرف تیسرے کیوی بولر ہیں۔
34 سالہ ساوتھی نے یہ کارنامہ پاکستان کے خلاف کراچی میں نیوزی لینڈ کے پہلے ٹیسٹ کے دوران انجام دیا۔ پاکستان کی پہلی اننگز میں ساؤتھی نے 69 رن کے عوض تین وکٹیں حاصل کیں۔
ساوتھی نے اب تک 89 ٹیسٹ میچوں میں 28.94 کی اوسط اور 3.00 کی اکانومی ریٹ سے کل 350 وکٹیں حاصل کی ہیں۔ ایک اننگ میں ان کے بہترین باؤلنگ کے اعداد و شمار 7/64 ہیں اور ایک میچ میں ان کے بہترین اعداد و شمار 10/108 ہیں۔آل راؤنڈر رچرڈ ہیڈلی ٹیسٹ میں نیوزی لینڈ کے سب سے زیادہ وکٹیں لینے والے بولر ہیں۔ ہیڈلی نے 86 ٹیسٹ میں 22.29 کی اوسط اور 2.63 کی اکانومی ریٹ سے 431 وکٹیں حاصل کیں۔ ان کی بہترین باؤلنگ کے اعداد و شمار ایک میچ میں 15/123 ہیں۔ہیڈلی کے پیچھے سابق کیوی آل راؤنڈر ڈینیئل ویٹوری ہیں جن کی مجموعی طور پر 361 ٹیسٹ وکٹیں ہیں۔سری لنکا کے عظیم متھیا مرلی دھرن (800 وکٹیں) ٹیسٹ فارمیٹ میں ٹاپ 5 وکٹیں لینے والے گیند باز میں پہلے، آسٹریلیا کے آنجہانی اسپن گریٹ شین وارن (708 وکٹیں) تیسرے، انگلینڈ کے جیمز اینڈرسن (675) چوتھے نمبر پر ہیں۔ لیکن ہندوستانی اسپنر انیل کمبلے (619) اور انگلینڈ کے تیز گیند باز اسٹورٹ براڈ (566) پانچویں نمبر پر ہیں۔میچ کی بات کریں تو اس میچ میں پاکستان نے پہلے بیٹنگ کرتے ہوئے 438 رن بنائے۔ جواب میں نیوزی لینڈ نے خبر لکھنے تک تیسرے دن لنچ تک 2 وکٹوں پر 245 رن بنا لیے ہیں۔ کین ولیمسن 19 اور ہنری نکولس 10 رن بنا کر کھیل رہے ہیں۔ نیوزی لینڈ کی جانب سے اوپنر ٹام لیتھم نے 113 جبکہ کونوے نے عمدہ 92 رن بنائے۔
