Pin-Up Казино

Не менее важно и то, что доступны десятки разработчиков онлайн-слотов и игр для казино. Игроки могут особенно найти свои любимые слоты, просматривая выбор и изучая своих любимых разработчиков. В настоящее время в Pin-Up Казино доступно множество чрезвычайно популярных видеослотов и игр казино.

ریاست

دوران پرواز خاتون پر پیشاب کرنے والا ملزم بنگلورو سے گرفتار

Written by Taasir Newspaper

Taasir Urdu News Network – Syed M Hassan 7th Jan.

نئی دہلی،7جنوری: ایئر انڈیا کی پرواز میں خاتون پر پیشاب کرنے والے ملزم شنکر مشرا کو پولیس نے گرفتار کر لیا ہے۔ نیوز پورٹل ’آج کت‘ پر شائع رپورٹ کے مطابق شنکر مشرا کو گرفتار کرنے کے بعد دہلی لایا گیا ہے۔ ملزم کافی عرصے سے مفرور تھا اور پولیس نے اس کے خلاف لک آؤٹ نوٹس جاری کیا تھا۔ خیال رہے کہ 26 نومبر کو جب ایئر انڈیا کی پرواز نیویارک سے دہلی آ رہی تھی، اس وقت طیارے کی بزنس کلاس میں سفر کر رہے شنکر مشرا نے 70 سالہ بزرگ خاتون پر پیشاب کر دیا تھا۔ پولیس نے ملزم کے خلاف آئی پی سی کی دفعہ 354، 294، 509 اور 510 کے تحت مقدمہ درج کیا ہے۔شنکر مشرا کے موبائل کی آخری لوکیشن بنگلورو تھی، اسی بنیاد پر اس کی تلاش کی جا رہی تھی۔ دہلی پولیس سے وابستہ ذرائع کا کہنا ہے کہ 3 جنوری کو شنکر مشرا (35) کا موبائل فون بنگلورو میں سرگرم تھا لیکن اس کے بعد اس کا فون بند ہو گیا۔ بنگلورو سے پہلے دہلی پولیس نے کئی ٹیمیں ممبئی بھیجی تھیں لیکن وہاں اس کا سراغ نہیں لگایا جا سکا۔معاملے نے جب طول پکڑ لیا تو ملزم شنکر مشرا کو ان کی کمپنی ویلز فارگو نے ملازمت سے فارغ کر دیا تھا۔ کمپنی نے ایک بیان جاری کرتے ہوئے کہا کہ ویلز فارگو اپنے ملازمین سے پیشہ ورانہ اور ذاتی طور پر حسن سلوک سے پیش آنے کی توقع رکھتی ہے۔ ہمیں یہ الزامات بہت پریشان کن لگے۔ اس شخص کو ویلز فارگو سے برطرف کر دیا گیا ہے۔ ہم اس معاملے کی تحقیقات میں مکمل تعاون کر رہے ہیں۔ شنکر مشرا ویلز فارگو کمپنی میں وائز پریزیڈنٹ کے عہدے پر فائز تھا۔ یہ کمپنی امریکہ کی ایک کثیر القومی مالیاتی خدمات کارپوریشن سے وابستہ ہے۔قبل ازیں، قومی کمیشن برائے خواتین نے بھی اس معاملے پر نوٹس لیتے ہوئے کارروائی کی ہے۔ کمیشن کی چیئرپرسن ریکھا شرما نے دہلی پولس کمشنر کو ایک خط لکھتے ہوئے ہدایت دی کہ اس معاملے میں متعلقہ قانون کی دفعات کے تحت فوری طور پر مقدمہ درج کیا جائے اور ایک بزرگ خاتون کو ذہنی صدمہ پہنچانے کے قصوروار کے خلاف سخت کارروائی کی جائے۔کمیشن نے ایئر انڈیا لمیٹڈ کے چیئرمین کو بھی خط لکھا ہے کہ وہ اس معاملے میں مداخلت کریں اور پرواز میں معمر خاتون کے ساتھ نازیبا سلوک کرنے اور عزت اور سلامتی کی زندگی گزارنے کے اس کے حق کی خلاف ورزی کرنے کے لیے قصوروار کے خلاف مناسب کارروائی کریں۔ کمیشن نے اس معاملے میں کی گئی تفصیلی کارروائی کے بارے میں 7 دنوں کے اندر معلومات طلب کی ہے۔ڈی جی سی اے نے اس شرمناک معاملے میں برہمی کا اظہار کرتے ہوئے ایئر انڈیا کو نوٹس بھی جاری کیا ہے۔ ایئر انڈیا نے جمعرات کو ڈی جی سی اے کو رپورٹ بھی پیش کی تھی۔ فی الحال ایئر انڈیا نے مشرا پر 30 دن کے لیے پابندی لگا دی ہے۔ ایئر انڈیا نے ملزم کے خلاف دہلی کے پالم پولیس اسٹیشن میں شکایت بھی درج کرائی ہے۔ اس کے علاوہ ایئر انڈیا نے خاتون کی شکایت کے بعد عملے کے رکن کی غفلت کی تحقیقات اور معاملے میں فوری کارروائی میں تاخیرکی وجوہات جاننے کے لیے ایک داخلی کمیٹی بھی تشکیل دی ہے۔

About the author

Taasir Newspaper