Taasir Urdu News Network – Syed M Hassan 23rd Jan.
ریاض،23جنوری:عرب اور بین الاقوامی فنکار، ہدایت کار، ایتھلیٹس اور سوشل میڈیا انفلوئنسرز ہفتے کی رات سعودی عرب کے دارالحکومت الریاض میں جوائے ایوارڈز کی تقریب میں جمع ہوئے۔ یہ خطے میں ایوارڈز کی تقسیم کی بڑی تقریبات میں سے ایک تھی۔جوائے ایوارڈز کا انعقاد بلیوارڈ الریاض سٹی کے بکر الشیدی تھیٹرمیں کیا گیا جہاں دنیا کے طول وعرض سے انٹرٹینمنٹ انڈسٹری کے مقبول چہرے اکٹھے ہوئے تھے۔تقریب میں میڈیا کی شخصیت جارجینا روڈریگیز، امریکی کولمبیا کی اداکارہ صوفیہ ورگارا، لبنانی گلوکارہ نینسی اجرم، تْونس کی اداکارہ ہند صبری، مصری اداکارہ یسریٰ، امریکی اداکار مل گبسن، ہالی ووڈ کے ہدایت کار مائیکل بے اور مراکش کے فٹ بال کھلاڑی اشرف حکیمی ان ستاروں میں شامل تھے جو الریاض میں ایک رات کے لیے جمع ہوئے۔مراکشی فٹ بال کھلاڑی اشرف حکیمی کو بہترین مرد ایتھلیٹ کا ایوارڈ دیا گیا۔ان کے ساتھ ان کی والدہ بھی تقریب میں شریک ہوئی ہیں۔انعامات کی اس تقریب میں مشہورشخصیات کے درمیان کئی زمروں میں مقابلہ تھا۔ان میں بہترین فلم، بہترین خاتون اداکارہ اور ایک ٹی وی سیریز اور فلم میں بہترین مرد اداکار، بہترین خاتون ایتھلیٹ اور بہترین مرد ایتھلیٹ شامل تھے۔
