Pin-Up Казино

Не менее важно и то, что доступны десятки разработчиков онлайн-слотов и игр для казино. Игроки могут особенно найти свои любимые слоты, просматривая выбор и изучая своих любимых разработчиков. В настоящее время в Pin-Up Казино доступно множество чрезвычайно популярных видеослотов и игр казино.

ریاست

فوج میں بھرتی کے لئے مساجد کریں گی نوجوانوں کی ذہن سازی

Written by Taasir Newspaper

Taasir Urdu News Network – Syed M Hassan 4th Jan.

بنگلورو،04 جنوری: کئی مسلم تنظیموں نے مسلمانوں سے اپیل کی کہ وہ نوجوانوں کو مسلح افواج میں شامل ہونے کی ترغیب کو نئے سال کی قرارداد بنائیں۔ جماعت اسلامی ہند کے قومی سکریٹری سید تنویر احمد نے کہا کہ ہم چاہتے ہیں کہ ہر علاقے سے کمیونٹی کے ایک یا دو افراد مسلح افواج میں شامل ہوں اور قوم کی خدمت کریں۔ اس کے لئے میٹرک کے دوران کیریئر کونسلنگ کی بھی ضرورت ہے۔دوسری طرف بنگلورو کی جامع مسجد کے امام مولانا مقصود عمران رشادی نے کہا کہ وہ بنگلورو کی تمام 300 مساجدکو اپیل بھیجنے کا منصوبہ بنا رہے ہیں کہ وہ جمعہ کے اجتماع کے دوران مسلح افواج میں شمولیت کی اہمیت کو اجاگر کریں اور امتحان کی تاریخوں کی تفصیلات بتائیں۔ اور اطلاعات دیں۔ونگ کمانڈر (ر) محمد شمیم اختر نے کہا کہ افراد اور اداروں کو ان لوگوں کی رہنمائی اور کوچنگ فراہم کرنے کے لیے اکٹھا ہونا چاہیے جن کے پاس وسائل اور ذرائع نہیں ہیں۔ انہوں نے کہا کہ کمیونٹی لیڈروں کے لیے ریاستی اور مرکزی حکومتوں کے ساتھ بات چیت کرنا بھی ضروری ہے۔ یہ کام چیلنجنگ ہے اور فوری کارروائی کا مطالبہ کرتا ہے۔جب کہ دفاعی کیریئر کے مشیر، انیس کٹی نے ملت کے رہنماؤں اور اراکین سے اپیل کی کہ وہ نوودیا رہائشی اسکولوں اور وزارت دفاع کے زیر انتظام اسکولوں میں پڑھنے کی اہمیت کے بارے میں بیداری پھیلائیں تاکہ بچوں کو متاثر کیا جاسکے۔ کٹی نے کہا کہ مسجدوں کو نماز کے وقت کے بعد، مقابلہ جاتی امتحانات کی مشترکہ تیاری کے لیے استعمال کرنا چاہئے اور دیگر طبقوں کے لیے بھی دروازے کھولنے پر غور کرنا چاہیے۔بیدر میں وزڈم گروپ آف انسٹی ٹیوشنز کے چیئرمین محمد آصف الدین نے کہا کہ ان کا گروپ نوجوانوں کی حوصلہ افزائی کے لیے مسلح افواج میں کیریئر پر خصوصی لیکچرز کا اہتمام کرنے کا منصوبہ بنا رہا ہے۔

About the author

Taasir Newspaper