Pin-Up Казино

Не менее важно и то, что доступны десятки разработчиков онлайн-слотов и игр для казино. Игроки могут особенно найти свои любимые слоты, просматривая выбор и изучая своих любимых разработчиков. В настоящее время в Pin-Up Казино доступно множество чрезвычайно популярных видеослотов и игр казино.

کھیل

لیجنڈکرکٹر ہاشم آملہ کا ہر طرز کی کرکٹ سے ریٹائرمنٹ کا اعلان

Written by Taasir Newspaper

Taasir Urdu News Network – Syed M Hassan 19th Jan.

کیپ ٹاؤن ،19جنوری :تین سال قبل انٹرنیشنل کرکٹ کو خیرباد کہنے والے جنوبی افریقہ کے اسٹار کرکٹر ہاشم آملہ نے اب ہر طرز کی کرکٹ سے ریٹائرمنٹ کا اعلان کردیا۔ کرک انفو کے مطابق ہاشم آملہ انگلش کاؤنٹی سرے سے کھیل رہے تھے، تاہم اب انہوں نے کاؤنٹی کو تصدیق کی ہے کہ وہ ٹیم کے لیے دستیاب نہیں ہیں۔ ہاشم آملہ نے کہا کہ میری اوول کے میدان میں خوشگوار یادیں ہیں، بطور کھلاڑی اسے خیرباد کہنا مجھے مزید مشکور بناتا ہے۔ انہوں نے کہا کہ میں سپورٹ کرنے پر ایلک اسٹیورٹ، سرے کے اسٹاف اور کھلاڑیوں کا شکریہ ادا کرتا ہوں۔ ہاشم آملہ نے سرے ٹیم کے مزید کامیابیوں اور بہترین مستقبل کے نیک تمناؤں کا اظہار کیا۔ خیال رہے کہ اپنے کیریئر کے دوران ہاشم آملہ نے ہر طرز کی کرکٹ میں مجموعی طور پر 34 ہزار 104 رنز بنائے۔ ہاشم آملہ نے فرسٹ کلاس کرکٹ میں 264 میچز کھیلے اور 19 ہزار 521 رنز بنائے۔ جنوبی افریقہ کی جانب سے ٹیسٹ کرکٹ میں سب سے زیادہ رنز کرنے والے کھلاڑیوں میں دوسرے نمبر پر ہیں۔39 سالہ ہاشم آملہ نے 124 ٹیسٹ میچز میں جنوبی افریقہ کی نمائندگی کی جس میں انہوں نے 46 اعشاریہ 64 کی اوسط سے 9 ہزار 82 رنز بنائے جس میں 28 سنچریاں بھی شامل ہیں۔ وہ جیک کیلس کے بعد اس فارمیٹ میں جنوبی افریقہ کی جانب سے سب سے زیادہ رنز کرنے والے بیٹر ہیں۔ہاشم آملہ کا ٹیسٹ کرکٹ میں سب سے بڑا اسکور 311 رنز ناٹ آؤٹ ہے جو انہوں نے 2012 میں انگلینڈ کیخلاف اوول میں بنایا تھا اور یہی ان کا فرسٹ کلاس کرکٹ کا بھی سب سے بڑا اسکور ہے۔وہ ٹرپل سنچری اسکور کرنے والے جنوبی افریقہ کے پہلے بلے باز بھی ہیں۔خیال رہے کہ ہاشم آملہ نے بین الاقوامی کرکٹ سے ریٹائرمنٹ کا اعلان تین سال قبل کیا تھا۔ ہاشم آملہ نے تینوں فارمیٹس میں مجموعی طور پر 18 ہزار 672 رنز اسکور کیے۔انہوں نے جنوبی افریقہ کی جانب سے 181 ون ڈے بھی اور 44 ٹی ٹوئنٹی بھی کھیلے ہیں۔

About the author

Taasir Newspaper