Taasir Urdu News Network – Syed M Hassan 28th Jan.

راہل گاندھی نے پلوامہ میں شہید ہوئے سی آر پی کے جوانوں کو خراج عقیدت پیش کیا

سرینگر،28جنوری :پیپلز ڈیموکریٹک پارٹی کے رہنما محبوبہ مفتی نے آج بھارت جوڑو یاترا میں شمولیت کی جو کل سیکورٹی حادثات کی وجہ سے معطل ہونے کے بعد آج اونتی پورہ سے شروع ہوگئی۔ نیشنل کانفرنس کے نائب صدر اور سابق وزیر اعلیٰ کل سے یاترا کے ساتھ جڑے ہوئے ہیں جبکہ فارو ق عبداللہ نے اس یاترا کو جموں میں داخل ہونے پر استقبال کیا۔ یاترا کے دوران راہل گاندھی نے ان40سی آر پی کے جوانوں کو خراج عقیدت پیش کیا جو 2019کے بم بلاسٹ میں ہلاک ہوئے۔ انہوںنے اس جگہ پھولوں کی چادر پیش کی۔ یہ یاترا آج رات کو پامپور میں رکے گی اور کل سرینگر ضلع میں داخل ہوجائے گی۔ اس دوران کانگریس صدر ملک ارجن کھڑگے نے وزیرداخلہ امیت شاہ کو ایک خط کے ذریعہ استدعا کی کہ وہ یاترا کی سیکورٹی کا معقول انتظام کریں۔ کانگریس نے یہ دعویٰ کیا کہ جوں ہی وادیٔ کشمیر میں یہ یاترا داخل ہوئی تو متعدد پولیس اہلکار وں نے یاترا سے واپس بلایا گیا جس کی وجہ سے راہل گاندھی کی جان کو خطرہ پیدا ہوگیا۔ انہوں نے مزید کہا چوں کہ کل یاترا سرینگر پہنچے گی اوراس میں متعدد سیاسی رہنماء بھی شمولیت کریںگے ۔ اس لئے سیکورٹی کو بڑھایا جائے۔ پرینکا گاندھی نے بھی آج سے پھر یاترا میں شمولیت کی۔