وزیراعلی نے اے این کالج احاطہ میں آنجہانی ستیندر نارائن سنہا کے قدآدم مجسمہ کی نقاب کشائی کی۔

 بی جے پی سے علیحدگی کے بعد پیدا ہونے والی پریشانیوں کے سوال پر وزیر اعلیٰ نے کہا کہ وہ کیا دقت کریں گے، وہ تو اپنے لیے کر رہے ہیں۔ ان کو غریب ریاستوں کی مدد نہیں کرناہے تو نہیں کر رہے ہیں۔ جب وہ ساتھ تھے تو بھی نہیں کر رہے تھے۔ وہ اپنی تشہیر کرتے رہیں گے لیکن اس سے کوئی فائدہ نہیں ہو گا۔ ہم لوگوں کے درمیان جا رہے ہیں۔ ہم جہاں بھی جاتے ہیں لوگوں سے ملتے ہیں۔ سب خوش نظر آ رہے ہیں۔ غریبوں کے لیے بہت کام ہوا ہے۔ جیویکا دیدی بھی اچھا کام کر رہی ہیں۔ ہم سب کی ترقی کے لیے کام کر رہے ہیں اور جہاں ضرورت ہوگی وہاں کام کیا جائے گا۔ میں صرف گاؤں اور شہر کی بات نہیں کر رہاہوں۔ اے این کالج بہت قدیم اور مشہور جگہ ہے اب بہتر ہو گیا ہے۔ اگر طلباء وطالبات بہتر طریقہ سے پڑھائی کریں گے توانہیں اچھا لگے گا۔ میں سب کو مبارکباد دیتا ہوں، آگے بڑھیں اور زندگی میں بہت اچھا کریں۔صحافیوں کے اس سوال پر کہ آپ نے ریلوے بجٹ الگ سے پیش کرنے کو کہا۔ اس پر وزیراعلیٰ نے کہا کہ ہم تو ایساہی چاہتے ہیں۔ آپ سب پہلے کا ریلوے بجٹ دیکھیں، آپ کو سب کچھ معلوم ہو جائے گا۔ جب ریل بجٹ ہوتا تھا تو اس پر مین بجٹ سے زیادہ دیر تک بحث ہوتی تھی۔ ممبران پارلیمنٹ، راجیہ سبھا کے ممبران سبھی ایک ایک چیز پر بحث کرتے تھے۔ لوگوں کو بہت لگاؤ ​​تھا۔ جب مجھے قابل احترام اٹل جی کی حکومت میں کام کرنے کا موقع ملا تو ان کے تعاون سے بہت کام ہوا۔ جب بھی کوئی میٹنگ ہوئی یا ریاستوں کے ساتھ میٹنگ بلائی گئی ہے، ہم نے اپنی بات کہہ دی ہے۔ پسماندہ ریاستوں کو آگے لے جانے کی کوشش کی جانی چاہئے۔