Pin-Up Казино

Не менее важно и то, что доступны десятки разработчиков онлайн-слотов и игр для казино. Игроки могут особенно найти свои любимые слоты, просматривая выбор и изучая своих любимых разработчиков. В настоящее время в Pin-Up Казино доступно множество чрезвычайно популярных видеослотов и игр казино.

کھیل

ہاکی ڈبلیو سی 2023: ٹیم انڈیاکوارٹر فائنل کیلئے کوالیفائی نہ کر سکی ، کراس اوور میچ کی ضرورت

Written by Taasir Newspaper

Taasir Urdu News Network – Syed M Hassan 21st Jan.

راورکیلا،21جنوری :اڈیشہ میں کھیلے جا رہے 15 ویں ہاکی ورلڈ کپ میں ہندوستانی ٹیم نے گزشتہ جمعرات کو ویلز کیخلاف 4-2 سے کامیابی حاصل کی۔یہ ہندوستانی ٹیم کا اپنے پول میں آخری میچ تھا۔ پول میں ٹاپ پر رہنے کے لیے ہندوستانی ٹیم کو یہاں ایک بڑی جیت درکار تھی لیکن ایسا نہیں ہو سکا۔ اب چونکہ ہندوستانی ٹیم پول-ڈی میں پہلے نمبر پر نہیں آ سکی، اس لیے اسے براہ راست کوارٹر فائنل میں بھی جگہ نہیں مل سکی۔ اب اسے کوارٹر فائنل میں پہنچنے کے لیے کراس اوور میچ کھیلنا ہوگا۔اس ورلڈ کپ میں شرکت کرنے والی 16 ٹیموں کو چار پولز میں تقسیم کیا گیا ہے۔ ہر پول کی جیتنے والی ٹیم براہ راست کوارٹر فائنل میں پہنچ جائے گی جبکہ دوسرے اور تیسرے نمبر پر آنے والی ٹیمیں کراس اوور میچز کے تحت کوارٹر فائنل میں پہنچ سکیں گی۔ پول ڈی میں انگلینڈ 7 پوائنٹس کے ساتھ سرفہرست ہے۔ ہندوستانی ٹیم کو بھی 7 پوائنٹس ملے لیکن گول فرق کم ہونے کی وجہ سے وہ دوسری پوزیشن پر برقرار ہے۔ ایسی صورتحال میں اب وہ کراس اوور میچ جیت کر ہی کوارٹر فائنل میں پہنچ سکیں گی۔ہندوستانی ٹیم نے اسپین کے خلاف اپنا پہلا میچ 2-0 سے جیتا تھا۔ اس کے بعد انگلینڈ کے ساتھ ان کا میچ 0-0 سے ڈرا ہوگیا۔ تیسرے میچ میں ویلز کے خلاف 4-2 سے جیت کے بعد، ہندوستانی ٹیم کے پاس +4 کا گول فرق تھا۔ اسی وقت، انگلینڈ کے گول کا فرق +9 تھا۔ انگلینڈ نے ویلز اور سپین کے خلاف بڑے مارجن سے کامیابی حاصل کی تھی۔کراس اوور میچ میں ہندوستانی ٹیم پول سی میں تیسرے نمبر کی نیوزی لینڈ کی ٹیم سے ٹکرائے گی۔ اس پول میں نیوزی لینڈ کو نیدرلینڈ اور ملائیشیا کے خلاف شکست کا منہ دیکھنا پڑا۔ اس کی واحد جیت چلی کے خلاف تھی۔ یہ میچ 22 جنوری کو شام 7 بجے بھونیشور میں کھیلا جائے گا۔

About the author

Taasir Newspaper