Taasir Urdu News Network – Syed M Hassan 5th Feb

واشنگٹن، 05 فروری :امریکی لڑاکا طیارے کی چین کے غبارے کو ٹارگٹ کرنے کی ویڈیو سامنے آ گئی۔امریکی لڑاکا طیارے نے میزائل فائر کر کے چین کے غبارے کو مار گرایا۔امریکی فوج کے سینئر حکام کے مطابق ایف-22 طیارے نے میزائل کے ذریعے چینی غبارے کو ٹارگٹ کیا۔رپورٹس کے مطابق امریکی طیارے سے ایک ہی میزائل فائر کیا گیا، غبارے سے ٹکرانے کے بعد کسی قسم کی ا?واز پیدا نہیں ہوئی۔پینٹاگون نے غبارے کو جنوبی کیرولینا کے ساحل پر نشانہ بنانے کی تصدیق کرتے ہوئے کہا ہے کہ 3 بسوں جتنے بڑے غبارے میں نگرانی کرنے کی صلاحیت تھی۔غیرملکی خبر ایجنسی کے مطابق مشن سے قبل ساؤتھ کیرولینا کے 3 ایئر پورٹس پر پروازوں کی آمد و رفت کو روکا گیا تھا۔واضح رہے کہ مشتبہ چینی جاسوس غبارہ ایک ہفتے قبل امریکی فضائی حدود میں داخل ہوا تھا۔