Taasir Urdu News Network – Syed M Hassan 6th Feb

پٹنہ، 05 فروری ،2023:- وزیر اعلیٰ جناب نتیش کمار نے آج’سمادھان یاترا‘ کے دوران بانکا ضلع میں مختلف محکموں کے تحت چل رہے ترقیاتی منصوبوں کا جائزہ لیا۔
دورے کے دوران وزیر اعلیٰ کٹوریا بلاک کے منیاگاؤں پہنچے اور وہاں انٹیگریٹڈ چائلڈ ڈیولپمنٹ پروجیکٹ سینٹر میں بچوں سے بات کی اور وہاں کے انتظامات کے بارے میں معلومات حاصل کیا۔ انہوں نے وہاں موجود گائوں والوں کے مسائل سنے اور ان کے حل کے لئے حکام کو ہدایات دیں۔ وزیراعلیٰ نے پرائمری ا سکول منیا کا معائنہ کیا اور کلاس روم میں جا کر بچوں کی تعلیم کا حال دریافت کیا۔ اس دوران پہلی کلاس اور دوسری کلاس کے بچوں نے ہنستے ہوئے انہیں اپنی پڑھائی کے بارے میں معلومات فراہم کیں جس پر وزیر اعلیٰ بہت خوش ہوئے اور بچوں کوشاباشی دی۔
اس کے بعد وزیراعلیٰ نے ’ڈسٹرکٹ انڈسٹریل انوویشن اسکیم‘ کے تحت قائم کلسٹر کاجائزہ لیا اور ٹھاکر سنور کار ہینڈی کرافٹ انڈسٹری منیا میں چاندی سے بنی مچھلی کو دیکھا۔ انہوں نے 1304 جیویکا گروپوں کو کاروبار کے لیے 1 کروڑ 67 لاکھ روپے کا علامتی چیک دیا۔
اس کے بعد وزیر اعلیٰ نے’ جیویکا مہیلا گرام سنگٹھن ‘کو ماہی پروری کے لیے تالاب کی منتقلی کا لیٹر سونپا اور 25 ہزار 600 روپے کا علامتی چیک بھی دیا۔ وزیر اعلیٰ نے حکام سے کہا کہ وہ تالاب کے پانی کو صاف رکھیں اور گردونواح میں درخت بھی لگائیں۔ اس نے چھوٹی چھوٹی دکانوں میں گاؤں کے کاریگروں کے ذریعہ چاندی سے بنائی گئی مچھلی کو بھی دیکھا اوراس کی ستائش کی۔ وزیر اعلیٰ نے ’لوہیا سوچھ مشن مہم ‘کے تحت ٹھوس کچرا مینجمنٹ کے لیے تقسیم کیے جانے والے ای رکشا اور پی رکشا کا بھی معائنہ کیا۔
وزیر اعلیٰ نے کرجھوسہ میں’ تسراگر پروجیکٹ ‘کے تحت جیویکا گروپ کے ذریعے چلائے جانے والے ریشم کوکُن سنٹر کا افتتاح کیا۔ وہاں موجود جیویکا دیدیوں نے وزیر اعلیٰ کو تسرکیٹ کے زندگی کے بارے میں جانکاری دی۔ اسٹال پر لگائی گئی نمائش کے ذریعے جیویکا دیدیوں نے تسر ریشم کی پیداوار کے مختلف مراحل، بیج کی پیداوار اور فراہمی کے طریقہ کار کے بارے میں معلومات فراہم کیں۔ اس کے ساتھ ہی وزیر اعلیٰ کو تسر ریشم کے دھاگے سے بنی مصنوعات اور جیویکا دیدیوں کی تیار کردہ دیگر مصنوعات کے بارے میں بھی جانکاری دی گئی۔ وہیں پر وزیر اعلیٰ نے بانکا ضلع میں 277.03 لاکھ روپے کے 38 منصوبوں کا افتتاح کیا اور ریموٹ کے ذریعے دیگر اسکیموں کا سنگ بنیاد رکھا۔
اس کے بعد وزیر اعلیٰ نے’ چیف منسٹر انٹر پرینو اسکیم‘ کے تحت تیار کردہ مختلف اشیاء کے اسٹالوں کا معائنہ کیا۔ انہوں نے کوکُن، سیڈ بلڈنگ، ٹسر اسٹریچنگ اور اسپننگ کا جائزہ لیا۔
وزیر اعلیٰ نے کرجھوسا میں مربوط زرعی سہولت سنٹر کے احاطے کا ربن کاٹ کرافتتاح کیا۔ انہوں نے احاطے میںہی بنائے گئے قبائلی سہولت سینٹر کا بھی دورہ کیا جہاں جیویکا دیدیوں کو خود روزگار کے لیے ٹریننگ دی جاتی ہے۔ محکمہ زراعت کے سکریٹری مسٹر این سرون کمار نے وزیر اعلیٰ کو پانی ذخیرہ کرنے کے لیے چیک ڈیم کے بارے میں تفصیلی جانکاری دی اور بتایا کہ بانکا میں 92 چیک ڈیم بناکی تعمیر کرایا گیا ہے۔ اس سے زیر زمین پانی کی سطح میں بھی بہتری آئے گی اور کسانوں کو آبپاشی میں سہولت ملے گی۔ وزیر اعلیٰ نے شہد پروسیسنگ سنٹر کا بھی دورہ کیا اور جیویکا دیدیوں سے شہد کی تیاری کے عمل کے بارے میں معلومات حاصل کی۔ ڈسٹرکٹ انڈسٹریل انوویشن اسکیم کے تحت شہد پروسیسنگ پلانٹ کا معائنہ کیا۔ محکمہ زراعت کے سکریٹری جناب این سرون کمار نے کہا کہ بانکا ضلع میں لیمن گراس کی اچھی کاشت کی جارہی ہے۔ وزیراعلیٰ نے لیمن گراس پروسیسنگ سینٹر کا بھی دورہ کیا۔ اس کے علاوہ وہ مشروم پیداوار سینٹر گئے اور جیویکا دیدیوں سے مشروم کی پیداوار اور اس کے فوائد کے بارے میں معلومات لی۔ وزیراعلیٰ نے نوتعمیر شدہ بکری زچگی و کم ٹریننگ سنٹر کا بھی معائنہ کیا۔
وزیر اعلیٰ نے صحافیوں سے بات کرتے ہوئے کہا کہ یہاں بہت سے لوگ چاندی کی مچھلی بنانے کے کاروبار سے وابستہ ہیں۔ آپ لوگوں کو معلوم ہو گا کہ سال 2009 کے بہت بعد جب ہم سال-11 2010میں تمام جگہوں کا دورہ کر رہے تھے تو ہم نے دیکھا تھا کہ بہت سی جگہوں پر لوگ مختلف طرح کے کام سے منسلک ہیں۔ اسی وقت ہم لوگوں نے فیصلہ کیا کہ اس طرح کا کام ہر جگہ ہونا چاہیے۔ مجھے آج یہاں پرآنے کا موقع ملا ہے۔ یہاں ہر کوئی بہت اچھا کام کر رہے ہیں۔ تمام لوگوں کی آمدنی میں بہت اضافہ ہوا ہے۔ یہاں پر تیار کی گئی چاندی کی مچھلی تمام جگہوں پر بھیجی جاتی ہے۔ جب بہار میں ایگریکلچر روڈ میپ پر کام شروع ہوا تو ہم نے شروع ہی میں کہا تھا کہ دنیا کے تمام لوگوں کے گھر پر کوئی نہ کوئی بہار کی چیز استعمال کے لیے ملے۔ ہم لوگ شروع سے ہی اس پر کام کر رہے ہیں۔
سمادھان یاترا شروع کرنے کے سوال پر وزیر اعلیٰ نے کہا کہ سمادھان یاترا کا نام اس لیے دیا گیا ہے کہ اگر کوئی کمی ہے تو اسے دور کیا جائے۔ ہم جہاں بھی جاتے ہیں لوگ ہمیں اپنی شکایتیں سناتے ہیں۔ ان کے مسائل سننے کے بعد ان کا حل کرایا جاتا ہے۔ دورے کا دوسرا مقصد یہ ہے کہ حکومت کی جانب سے ہونے والے کام کو دیکھنے کے ساتھ ساتھ اسے مزید بہتر بنانے کی بات بھی ہوتی ہے۔ کیے جارہے کام کے علاوہ اگر کوئی کام کرنا ہو تو اس کی معلومات بھی دورہ کے دوران ہوتی ہے۔ کہیں پر اگر سڑک وغیرہ کی ضرورت ہے تو انہیں دیکھنا بہت ضروری ہے۔ حکومت کے ذریعہ کئے گئے کام کا فائدہ عوام کو مل رہا ہے یا نہیں۔ یہ دیکھنا بھی ضروری ہے۔ سمادھان یاترا کا ہمارا مقصد یہی ہے۔
چاندی کی مچھلی بنانے کے کاروبار سے وابستہ لوگوں کواس کی فروخت کے سلسلہ میں دوسری ریاستوں کی پولس کے ذریعہ ہراساں کیے جانے کے سوال پر وزیر اعلیٰ نے کہا کہ ایسی کوئی بات نہیں ہے۔ اس سلسلے میں کوئی پابندی نہیں ہے۔ یہاں کے تاجر اسے کسی بھی دوسری ریاست میں لے جا سکتے ہیں۔ کہیں کوئی چیز اگر تیار کرتا ہے تو اسے لے کر پورے ملک میں جا سکتا ہے۔ ہم چاہتے ہیں کہ بہار کی چیزیں تمام لوگوں تک پہنچ جائے، یہاں بھی اس حوالے سے کام ہو رہا ہے۔ یہاں تیار کی گئی چیزوں کی باہرمیں بھی بہت مانگ ہے۔ اس کاروبار سے وابستہ کسی کو کوئی پریشانی نہیں ہونی چاہیے۔ اس سلسلے میں ہم نے حکام کو ہدایات دی ہیں کہ کہیں کوئی ان لوگوں کو پریشان تو نہیں کررہا ہے۔ اگر کوئی ایسا کر رہا ہے تو اس کے خلاف کارروائی کی ضرورت ہے۔ تسر بینک کے سوال پر وزیراعلیٰ نے کہا کہ ہم نے شروع سے ہی اسے فروغ دینے کی کوشش کی ہے۔ اب اس کا کاروبار بہت بڑھا ہے۔ جتنی اس کی تشہیر کی جائے گی، اس سے وابستہ لوگوں کی آمدنی میں اتنا ہی اضافہ ہوگا۔ پہلے اس علاقے میں کچھ نہیں ہوتا تھا۔ یہ علاقہ نکسل متاثرکہا جاتا تھا۔ اب ریشم کے کاروبار میں شامل ہونے سے لوگوں کی معاشی حالت بہتر ہوئی ہے۔
جے ڈی یو لیڈر مسٹر اپیندر کشواہا کی طرف سے علیحدہ میٹنگ بلائے جانے کے سوال پر وزیر اعلیٰ نے کہا کہ ان تمام چیزوں پر توجہ دینے کی ضرورت نہیں ہے۔ جب آپ اس بارے میں پوچھ رہے ہیں تو ہمیں کہنا پڑے گا۔ آپ لوگ ہی بتائیں کہ ہم نے اس شخص کو کتنا آگے بڑھا یا۔ رکن اسمبلی بنا یا ،پھر اپنی پارٹی کا اسمبلی میں لیڈر بنایا، اس کے بعد بھی وہ پارٹی چھوڑ کر بھاگ گئے۔پھر ساتھ میں آئے تو ہم نے انہیں راجیہ سبھا کا رکن بنا دیا۔ اس کے بعد انہوں نے دوبارہ پارٹی چھوڑ دی۔ اس کے بعد تیسری مرتبہ پارٹی میں آئے تو انہوں نے کہا کہ ہم ہر حال میں پارٹی میں رہیں گے۔ آج کل وہ کیا باتیں کرنے میں لگے ہیں۔ جب ہم صبح میںاخبار پڑھتے ہیں تو ہمیں اس قسم کی خبریں نظر آتی ہیں۔ اس کا کیا مطلب ہے۔وہ پارٹی میں کیوں آئے؟ جب وہ آئے تو ہم نے ان کی عزت کی۔ انہوں نے کہا کہ وہ ہم سے بات کریں گے لیکن انہوں نے مجھ سے بات ہی نہیں کی۔ میرے سمجھانے پر پارٹی کے لوگوں نے ان کے سلسلہ میں رضامندہو گئے تھے ۔ ہم ان کو ہمیشہ عزت دیتے رہے ہیں۔ مجھے نہیں معلوم کہ انہیںاب اچانک کیا ہو گیا ہے۔ یہ سب دو ماہ کے اندر شروع ہو گیا ہے۔ وہ اب روزانہ اس بارے میں بات کر رہے ہیں۔ وہ کسی اور کے اشارے پر بول رہے ہیں، اسی لیے ان کی اتنی تشہیر ہو رہی ہے۔ ہماری پارٹی کا کوئی بولتا ہے تو اس کی اتنی تشہیر نہیں ہو تی ہے۔ وہ جو چاہیں کریں۔ وہ پہلے بھی دو بار پارٹی چھوڑ کر جا چکے ہیں۔ تیسری بار ہم نے انہیں قبول کیا۔
یہ سب بی جے پی نہیں کی طرح سے تو نہیں کیا جارہا ہے اس سوال پر وزیر اعلیٰ نے کہا کہ آپ کو خود اس بات کا پتہ چل جائے گا۔ سب کی اتنی تشہیر نہیں ہوتی، ان کی تشہیر ہو رہی ہے، تو آپ لوگ سمجھ ہی رہے ہیں۔ جب کسی کو پروموٹ کیا جا رہا ہو تو سمجھ لیں کہ سے تشہیر کرائی جارہی ہے۔ ان کو اس کام کا موقع کون دے رہا ہے۔ ہماری پارٹی کے صدر نے تمام باتیں کہہ دی ہیں۔ ہم نے بھی سب کو بتا دیا ہے کہ کسی کو کچھ بولنے کی ضرورت نہیں ہے ۔ وہ جو چاہیں بولتے رہیں، ہمارا اس سے کوئی مطلب نہیں ہے۔ گزشتہ مرتبہ کے مقابلے اس مرتبہ زیادہ لوگ پارٹی ممبر بنے ہیں۔ہم لوگوں کے یہاں آنے کے فیصلہ کے وقت تماملوگ ایک ساتھ تھے۔اب انہیں کیا ہو گیا ہے مجھے نہیں معلوم نہیں۔ جو جانا چاہتے ہیں انہیں جانے دیجئے۔ اس سے پارٹی کو کچھ نہیں ہونے والا۔آپ لوگ اس کی فکر نہ کریں۔ گزشتہ اسمبلی انتخابات کے دوران ہماری پارٹی کے امیدوار کے خلاف مہم چلائی گئی تھی جبکہ ہم نے ان کی پارٹی کی مکمل حمایت کی تھی۔ کوئی پارٹی میں آتا ہے اور پھر چلا جاتا ہے تو جائے۔ اس سے ہم لوگوں کو کوئی مطلب نہیں ہے۔ پارٹی میں رہئے گا اور کام کیجئے گا تو ٹھیک ہے لیکن اگر آپ روز خلاف بولتے ہیں تو اس کا مطلب ہے کہ آپ نے کہیں اورجانے کا سوچ لیا ہے۔
چھپرا کے مبارک پور کے واقعہ پر وزیر اعلیٰ نے کہا کہ انتظامیہ کے لوگ ہر چیز کو دیکھتے رہتے ہیں۔ حکومت پوری صورتحال پر نظر رکھے ہوئی ہے۔
اس دوران وزیر خزانہ، کمرشل ٹیکس اور پارلیمانی امور کے وزیر جناب وجے کمار چودھری، آفات کے وزیر وبانکاضلع کے انچارج وزیر جناب شاہنواز، آبی وسائل و اطلاعات اوررابطہ عامہ کے وزیر جناب سنجے کمار جھا، چھوٹے آبی وسائل کے وزیر جناب جینت راج، سائنس اور ٹیکنالوجی کے وزیر جناب سمیت کمار سنگھ، رکن پارلیمنٹ گردھاری یادو، رکن اسمبلی مسٹر بھودیو چودھری، رکن اسمبلی جناب منوج یادو رکن قانون ساز کونسل جناب وجئے کمار سنگھ ، سابق رکن اسمبلی جناب منیش کمار سمیت دیگر عوامی نمائندے، ڈیولپمنٹ کمشنر مسٹر وویک کمار سنگھ، ڈی جی پی مسٹر آر ایس بھٹی، وزیر اعلیٰ کے پرنسپل سکریٹری ڈاکٹر ایس سدھارتھ، محکمہ زراعت کے سکریٹری جناب این سرون کمار، دیہی ترقیات محکمہ کے سکریٹری مسٹر بالاموروگن ڈی، ایس سی ،ایس ٹی فلاح کے سکریٹری مسٹر دیوش سہرا، وزیر اعلیٰ کے او ایس ڈی مسٹر گوپال سنگھ، کمشنر بھاگلوپار ڈویژن، مسٹر دیانیدھن پانڈے، ڈپٹی انسپکٹر جنرل آف پولیس بھاگلپور زون، مسٹر وویکانند، بانکا کے ڈی ایم مسٹر انشول کمار، بانکا کے ایس پی مسٹر ستیہ پرکاش اور دیگر سینئر افسران موجود تھے۔