Taasir Urdu News Network – Syed M Hassan 19th March

کچھار (آسام) ، 19 مارچ:کچھار ضلع کے ہیڈ کوارٹر سلچر سے اغوا کی گئی لڑکی کو میگھالیہ میں ریسکیو کر لیا گیا ہے ۔ہفتہ رات میگھالیہ کے امکیانگ میں ایک بس سے اغوا ہونے والی لڑکی کوبچا لیا گیا اور اغوا کرنے والا بھی گرفتار کیا گیا۔اتوار کے روز کچھار پولیس کے ذرائع نے بتایا کہ بنیادی طور پر سلچر تھانہ کے تحت جنوبی کرشن پور سے تعلق رکھنے والی ایک لڑکی پرینکا شکل بیدھ کو اغواکار بس سے گوہاٹی ے جا رہا تھا۔ پولیس نے امکیانگ میں اغوا کی گئی لڑکی پرینکا کا ریسکیو کر لیا اور اس کے ساتھ اغوا کار سونائی ساکن سزین لشکر کو گرفتار کر لیا ہے ۔ پولیس نے کارروائی لڑکی کے لواحقین کی ایف آئی آر کی بنیاد پر کی تھی ۔ پولیس سلچر تھانے میں ملزم سے پوچھ گچھ کر رہی ہے ۔