Taasir Urdu News Network – Syed M Hassan 25th March

پہلے لسٹ میں 8مسلم امیدواروں کو ٹکٹ دیا گیا

بنگلور،25مارچ: کانگریس نے ریاست کے آنے والے الیکشن کے لئے امیدواروں کی پہلی لسٹ جاری کی اور اسمیں ریاستی صدر ڈی کے شیو کمار کنک پورا حلقہ سے انتخاب لڑیں گے جب کہ سابق وزیراعلی میسورو کے ورونا سیٹ پر امیدوار ہوں گے اس سیٹ پر ان کے بیٹے یدہندرا سدرمیا ۔ کانگریس پارٹی نے پہلے فہرست میں 124امیدواروں کی لسٹ جاری کی ہے اور دوسرا لسٹ اگلے دوتین دنوں کے اندر ہی جاری کیا جائیگا ۔ مسٹر سدرمیا کولاڈ سیٹ سے بھی لڑنے کے خواہش مند ہیں ۔ انہوں نے اعلی کمان سے تین حلقوں سے اپنا نام پیش کیا ا ن میں بادامی ،ورونا ،اور کولاڈ شامل ہے۔ ان دورہنمائوں کے علاوہ کانگریس کے سب سے بزرگ نیتا 91سالہ شمن رو شیو ہن کرپا کو دیوانگری سے ٹکٹ ملی جب کہ ممبرپارلیمنٹ منا پایا کو دیوان ہالی سے امیدوار بنا یا گیا ۔ پارٹی ہائی کمان نے ملک ارجن کھڑگے کی قیادت میں الیکشن کمیٹی کی میٹنگ ہوئی جس میں ان ناموں کی منظوری دی گئی ہے اس میٹنگ میں راہل گا ندھی نے بھی شرکت کی ۔ حالانکہ الیکشن کمیشن نے ابھی الیکشن کی تاریخ کا اعلان نہیں کیا لیکن بی جے پی اور کانگریس نے پہلے سے ہی الیکشن مہم کا اعلان کیا کانگریس صدر ملک ارجن کھڑگے کے بیٹے پریان کھڑگے کو چیتا پور سے ٹکٹ دی گئی ۔ جن دوسرے سینئر رہنمائوں کو کانگریس امیدوار بنا یا گیا ان میں دنیش گنڈورائو ،آروی دیش پانڈے ،کے آر رمیش کمار ،بالکی ستیش لکشما رائو بھی شامل ہیں۔ درشن درنارائنا جو آنجہانی ورکر نگ صدر کے بیٹے ہیں کو منجن گڑ حلقے سے کانگریس ٹکٹ ملی جب کہ اقبال حسین کو رام نگر ا سے ،کانگریس کے سابق وزیراعلی کے دوبیٹے ایک دوسرے کے خلاف لڑیں گے کانگریس نے مدوبنگا راپا کو سوراب اسمبلی حلقے سے چنا ہے جب کہ بی جے پی نے اس کے بھائی کمار ربنگا رپا کو بھی اسی سیٹ سے ٹکٹ دینے کا فیصلہ کیا ہے۔ کانگریس کے پہلے لسٹ میں آٹھ مسلم امیدواروں کو ٹکٹ دی گیا ہے۔ ان میں عبدالقدیر ،علی فرید ،تنویر سیٹھ ،ایم اے حارث ،رضوان ارشد ،رحیم خان ،اقبال حسین ،میر احمد خان اور کنیز فاطمہ شامل ہیں۔ اقبال حسین کو سابق وزیراعلی کمار سوامی کے بیٹے کے خلاف کھڑا کیا گیا ہے۔