Taasir Urdu News Network – Syed M Hassan 17 APRIL
واشنگٹن،17اپریل:امریکی ریاست الاباما میں ایک سالگرہ کی تقریب میں ہفتے کی شب فائرنگ کے نتیجے میں کم از کم چار افراد ہلاک اور بیس زخمی ہو گئے۔مقامی میڈیا رپورٹس میں بتایا گیا ہے کہ فائرنگ کا واقعہ الاباما ریاست کے دارالحکومت منٹگمری کے شمال مشرق میں واقع قصبے ڈیڈ وِل کے ایک ڈسکوتھیک میں ایک 16 سالہ نوجوان کی سالگرہ کے موقع پر منعقدہ تقریب میں پیش آیا، جس کے دوران کم از کم 20 افراد زخمی ہوئے۔الاباما لا انفورسمنٹ ایجنسی کے ترجمان سارجنٹ جیریمی برکیٹ نے اتوار کو صحافیوں کو بتایا کہ”افسوسناک طور پر اس واقعے میں چار افراد ہلاک ہوئے اور بہت سے زخمی ہیں۔”ڈانس اسٹوڈیو میں ایک نوجوان کی سالگرہ کی تقریب میں فائرنگ کے ایک دن بعد جرائم کے منظر کا ڈانس اسٹوڈیو میں ایک نوجوان کی سالگرہ کی تقریب میں فائرنگ کے ایک دن بعد جرائم کے منظر کاانہوں نے یہ واضح نہیں کیا کہ آیا کسی مشتبہ شخص کی شناخت یا گرفتاری ہوئی ہے اور نہ ہی انہوں نے زخمیوں کی تعداد اور عمر کی وضاحت کی۔”میں اس وقت کوئی تفصیلات شیئر نہیں کر سکتا”۔ انہوں نے مزید کہا کہ صرف اس بات کی تصدیق کی جا سکتی ہے کہ یہ شوٹنگ برتھ ڈے پارٹی میں کی گئی۔مقامی میڈیا نے بتایا کہ زخمیوں میں سے زیادہ تر نوعمروں کو مقامی اسپتالوں میں لے جایا گیا ہے۔
