TAASIR NEWS NETWORK- SYED M HASSAN –26  MAY

بگ باس 16 فیم گوری ناگوری کے حوالے سے ایک بڑی خبر سامنے آئی ہے۔ اداکارہ ناگوری، جنہیں’ راجستھان کی شکیرا‘ کہا جاتا ہے ، نے سوشل میڈیا پر ایک ویڈیو پوسٹ کرتے ہوئے اپنا تجربہ شیئر کیا۔گوری نے بتایا ہے کہ کس طرح اپنی بہن کی شادی کے لیے اجمیر کے کشن گڑھ پہنچنے کے بعد ان پر حملہ کیا گیاتھا۔ جب وہ اس معاملے میں شکایت درج کرانے پولیس کے پاس گئی تو مقامی پولیس نے سیلفی لے کر اسے گھر واپس بھیج دیا۔
گوری ناگوری نے اپنے سوشل میڈیا اکاؤنٹ پر ایک ویڈیو شیئر کی ہے۔ اگرچہ ویڈیو زیادہ واضح نہیں ہے ، لیکن دیکھا جا سکتا ہے کہ کچھ لوگوں کے درمیان گرما گرم بحث ہوئی۔ ویڈیو کے کیپشن میں گوری ناگوری نے لکھا کہ ’ ہیلو دوستو ، میں آپ کی گوری ہوں اور جو کچھ میرے ساتھ ہوا وہ کسی کے ساتھ نہیں ہونا چاہیے ، اسی لیے یہ ویڈیو اپ لوڈ کر رہی ہوں۔ دوستو میری بہن کی شادی 22 مئی کو تھی۔ میں میڑتا سٹی میں رہتی ہوں اور میرے والد یا بھائی نہیں ہیں۔ میری ایک بڑی بھابھی ہے ، جس نے کہا کہ یہ شادی کشن گڑھ میں کرو ، میں سارا انتظام کر دوں گی۔
گوری ناگوری نے مزید لکھا ، ‘ تو ان کے کہنے پر میں شادی کرنے کشن گڑھ آئی اور مجھے نہیں معلوم تھا کہ یہ ان کا منصوبہ تھا۔ کشن گڑھ بلایا اور مجھ سمیت پوری ٹیم پر جیجو اور اس کے دوست کے بھائی نے وحشیانہ حملہ کیا۔ ہمیں مارا پیٹا گیا۔ جب میں اس کی شکایت کرنے گئی تو پولیس نے میری شکایت درج نہیں کی۔ اس کے برعکس پولیس نے مشورہ دیا کہ یہ گھریلو معاملہ ہے اسے گھر میں ہی حل کیا جائے۔ پولیس نے مجھے کافی دیر تک بٹھا کر رکھا اور میرے ساتھ سیلفیاں لیں۔ پھر اس نے مجھے گھر جانے کو کہا۔
گوری نے کہا ،’ میں اکیلی لڑکی ہوں ، میں اور میری ماں گھر میں اکیلے رہتے ہیں۔ اگر میری زندگی میں کچھ برا ہو جائے تو کیا ہوگا ؟ ہمیں ان سب لوگوں سے خطرہ ہے۔ گوری ناگوری نے راجستھان حکومت پر زور دیا ہے کہ وہ اسے تحفظ فراہم کرے اور جلد از جلد انصاف دلائے۔ نیز اس نے دعویٰ کیا ہے کہ ان لوگوں سے اس کی جان کو خطرہ ہے۔