TAASIR NEWS NETWORK- SYED M HASSAN –25  MAY

نئی دہلی، 25 مئی: دولت مشترکہ کھیلوں میں چاندی کا تمغہ جیتنے والے ہندوستانی لانگ جمپر مرلی شری شنکر نے بدھ کو یونان کے کالیتھیا میں انٹرنیشنل جمپنگ میٹ میں سیزن کی بہترین 8.18 میٹر چھلانگ لگا کر طلائی تمغہ جیتا۔24 سالہ شری شنکر نے اپنی چھٹی اور آخری کوشش میں 8.18 میٹر کا بہترین چھلانگ لگاتے ہوئے سونے کا تمغہ اپنے نام کیا۔ یہ ان کے کیریئر کی چھٹا بہترین مظاہرہ ہے۔ اس مقابلے کے پچھلے ایڈیشن میں انہوں نے 8.31 میٹر کی چھلانگ لگا کر طلائی تمغہ جیتا تھا۔
شری شنکر کی سیریز میں 7.94 میٹر، 8.17 میٹر، 8.11 میٹر، 8.04 میٹر، 8.01 میٹر اور 8.18 میٹر کی فاتح چھلانگ شامل ہے۔ حالانکہ، وہ 2023 کی عالمی ایتھلیٹکس چیمپئن شپ کے لیے مقرر کردہ 8.25 میٹر کے کوالیفائنگ معیار کو پورا کرنے میں ناکام رے تھے۔قومی ریکارڈ ہولڈر جیسون ایلڈرن نے 7.85میٹر کی اپنی بہترین چھلانگ کے ساتھ دوسرا مقام حاصل کیا۔ ایلڈرین کی سیریز میں 7.81 میٹر، 7.85 میٹر، 7.74 میٹر، 7.74 میٹر، 7.79 میٹر اور ایک فاول شامل تھا۔
مقابلے میں 7.80 میٹر کی بہترین چھلانگ لگا کر آسٹریلیا کی جالن رکر نے تیسری پوزیشن حاصل کی۔